22 08 2019

Թալանել են «Հիդրոէլեկտրոմոնտաժ» ՓԲԸ-ի պաշտոնյային․ Shamshyan.com

Թալանել են «Հիդրոէլեկտրոմոնտաժ» ՓԲԸ-ի պաշտոնյային․ Shamshyan.com

Shamshyan.com-ը գրում է․ «Օգոստոսի 21-ին խոշոր չափի գողության դեպք է տեղի ունեցել Երևանում: Ժամը 09:30-ի սահմաններում ոստիկանության Շենգավիթի բաժին ահազանգ է ստացվել, որ օգոստոսի 20-ի ժամը 17:00-ից մինչև օգոստոսի 21-ի ժամը 09:00-ն ընկած ժանամականահատվածում անհայտ անձը կամ անձինք, օգտվելով Արցախի պողոտա 4-րդ նրբանցքի 6-րդ հասցեում գործող «Հիդրոէլեկտրոմոնտաժ» ՓԲԸ- ի շենքի 2-րդ հարկի պատուհանի բաց լինելու հանգամանքից, կոմերցիոն տնօրենի աշխատասենյակում եղած չհրկիզվող պահարանը դուրս են նետել, իսկ հետո միջից հափշտակել 20 հազար ԱՄՆ դոլար:

Փաստի առթիվ հարուցվել է քրեական գործ: Կայքի տեղեկություններով՝ գողության մասին ոստիկանություն ահազանգել է Երևան քաղաքի Արաբկիր վարչական շրջանի բնակիչ Ռռուբեն Խանգոյանը, ով նշված ՓԲԸ-ի կոմերցիոն տնօրենն է: Ոստիկանությունն ու քննչական բաժինը ձեռնարկում են անրհրաժեշտ օպերատիվ-հետախուզական և քննչական համատեղ գործողություններ՝ հանցագործությունը բացահայտելու, կատարողին կամ կատարողներին և գողոնը հայտնաբերելու ուղղությամբ»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ