15  07  2019

Թե ինչո՞ւ Փաշինյանն ու իր թիմն այլևս չեն խոսում վեթինգից. Zham.am

Թե ինչո՞ւ Փաշինյանն ու իր թիմն այլևս չեն խոսում վեթինգից. Zham.am

Zham.am-ը գրել է. «Եվ այսպես հայտնի դարձավ, թե ինչու է Փաշինյանն ու իր թիմը «մանթրաժ» երկրում դատաիրավական գործընթացներից: Այլևս վեթինգի մասին չեն խոսում, դատարանների մասին զգույշ են արտահայտվում: Իսկ  Վահե Գրիգորյանին ՍԴ նախագահ չեն համարում:

Պարզվում է՝ Փաշինյանի քայլերը այս հարցերի շուրջ լուրջ մտահոգություն է առաջացրել, նույնիսկ այնպիսի պահպանողական կառույցի մոտ ինչպիսին  Վենետիկի հանձնաժողովն է: Կրկին  նշենք, որ այս կառույցը  չափազանց զգույշ է իր գնահատականներում:  Բայց  Փաշինյանի քայլերը նույնիսկ նրանց են զայրացրել:

Մասնավորապես, հանձնաժողովը արձանագրել է հետևյալը՝

Առաջին

Փաշինյանի կոչից հետո անմիջապես  շրջափակել դատարանները կատարվել է  «...Նախկին նախագահ Ռ. Քոչարյանին անձնական երաշխավորությամբ ազատ արձակելու դատարանի որոշումից հետո...»:

Սույն փաստը արդեն խոցելի է դարձնելու այս հարցում ցանկացած որոշում Եվրոպական դատարանում, քանզի  ակներև է, որ այն քաղաքական ենթատեքստ ունի,  և Փաշինյանը այլևս  ոչ մեկին չի կարող համոզել, որ այս հարցում, «չի միջամտում դատական գործընթացին»:

Երկրորդ

Վենետիկի հանձնաժողովը  անընդունելի է համարել վարչապետի կողմից դատարանների դռների արգելափակման կոչը:

Սա ուղղակի նախազգուշացում է, որ Փաշինյանը կատարել է  Սահմանադրությանը  հակասող քայլ:

Եթե երկրում լիներ ուժեղ և նորմալ ընդդիմություն, միայն այս փաստը հերիք կլիներ, որ  երկրում  Սահմանադրությունը խախտելու համար Փաշինյանին  իշխանությունից հեռացնելու գործընթաց սկսվել:

Երրորդ

Վենետիկի հանձնաժողովը ևս մեկ անգամ հաստատել է, որ Հայաստանում  վեթինգի անհրաժեշտություն չկա: Սա արդեն ցույց է տալիս, թե ինչ մանրահոգի մարդիկ են հավաքված Փաշինյանի շրջապատում, ովքեր  հանուն իրենց անձնական շահերի պատրաստ էին Հայաստանը դարձնել  վտանգավոր էքսպերիմենտներ իրականացնելու համար  պոլիգոն:

Սա ևս ցույց է տալիս, որ այս մարդկանց  ամեն օր  մնալը իշխանության մեջ լրջագույն վտանգ է ներկայացնում երկրի համար:

Չորրոդ

Վենետիկի Հանձնաժողովը Վահե Գրիգորյանի  մասով փաստացի  նշեց հետևյալը. «... Վերանայված սահմանադրության 213 հոդվածը, այդուհանդերձ, ՀՍՏԱԿ և ԱՆԵՐԿԲԱսահմանում է, որ մինչև սահմանադրական փոփոխությունները ուժի մեջ մտնելը նշանակվածՍԴ նախագահը և անդամները պետք է ՇԱՐՈՒՆԱԿԵՆ ՊԱՇՏՈՆԱՎԱՐԵԼ մինչև 2005 թվականի սահմանադրությամբ նշված իրենց լիազորությունների ժամկետի ավարտը:Անհանգստացնող է, որ դատավորի այս հայտարարությունը ողջունվել է խորհրդարանիկողմից և կա գործող դատավորների մանդատների նկատմամբ միջամտության վտանգ...»։

Հանձնաժողովի այս գնահատականը վերաբերվում է ոչ միայն Վահե Գրիգորյանի ավանտյուրիստական գործողություններին, այլև նրան, որ Փաշինյանի վերահսկողության տակ գտնվող ԱԺ-ն ողջյունեց այդ ավանտյուրիստի հայտարարությունը:

Սա արդեն փաստում է նրա մասին, որ հանձնաժողովում ԱԺ-ին փաստացի համարում են «գրպանային»:

Այս գնահատականները իսկական քաղաքական ապտակ էր ուղղված Փաշինյանին և միաժամանակ նախազգուշացում:

Այս իրավիճակից  դուրս գալու համար  Փաշինյանն ունի երկու տարբերակ: Հայտարարի, որ  Բուքիքիոյի հերն էլ անիծաց  ունի և շարունակի իր հակաիրավական քայլերը: Այդ դեպքում   կմիանա իր իշխանությունից հեռանալու քաղաքական հաշվիչը: Կամ էլ փորձի հետ քայլեր անել՝ մաքրելով իր շրջապատը ավանտյուրիստներից ՝ փորձելով երկարաձգել իր իշխանությունը մինչև հաջորդ ընտրությունները:

Ո՞ր ճանապարհով կգնա Փաշինյանը հայտնի կդառնա ոչ հեռու ապագայում:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ