Հակակոռուպցիոն հրաժարական և ձերբակալություն

Լիտվայի արդարադատության նախարար Միլդա Վայնյուտեն հրաժարականի դիմում է գրել: Այս մասին հայտնում է ՏԱՍՍ-ը:

«Կարծես թե, նախարարությունը պետք է գլխավորի ավելի ուժեղ մեկը, որն անհրաժեշտ բարեփոխումներին վճռական մոտեցում կցուցաբերի»,– ասել է նախարարը։  

Վայնյուտեի հրաժարականի պատճառը կոռուպցիոն սկանդալն է: Արդարադատության  նախարարության աուդիտի աշխատակիցները պնդում են, որ գերատեսչության ղեկավարությունը խոչընդոտում է  ֆինանսական վերահսկողության միջոցառումների անցկացմանը կալանավայրերում։

Նախագահ Դալյա Գրիբաուսկայտեն հայտարարել է, որ Վայնյուտեն չի վերահսկում իրավիճակը նախարարությունում։

Թաիլանդի գերագույն դատարանն էլ կալանավորման օրդեր է տվել երկրի նախկին վարչապետ Թաքսին Չինավաթին: Նա ևս մեղադրվում է կոռուպցիայի մեջ և երկար ժամանակ թաքնվում էր արտասահմանում:

 Քննությունը համարում է, որ 2001 թվականին լինելով Թաիլանդի վարչապետը՝ Չինավաթը թվականին՝ նրա վարչապետության ժամանակ կայացրած որոշ որոշումների պատճառով հեռահաղորդակցության ոլորտում երկու 2 պետական ընկերությունների պատճառվել է մոտ 2,1 մլրդ դոլարի վնաս:

Ավելի վաղ հեռակա կարգով երկու տարվա ազատազրկման էր դատապարտվել պետական հողամասեր գնելիս ծառայողական լիազորությունների գերազանցման համար: