24 05 2022

«Սիլվայի գործով» դատական նիստը անցկացվում է դռնփակ

Երևանի ընդհանուր իրավասության դատարանը՝ դատավոր Աննա Դանիբեկյանի նախագահությամբ, շարունակում է ենթադրյալ կաշառքի գործով քննությունը։ Այս պահին դատարանը քննում է պաշտպան Հայկ Ալումյանի՝ ՀՀ երկրորդ նախագահ Ռոբերտ Քոչարյանի խափանման միջոցը փոխելու միջնորդությունը։ Նախորդ դատական նիստին պաշտպանական կողմը ժամանակ էր խնդրել՝ լրացուցիչ նյութեր տրամադրելու համար։

Ալումյանը հայտնեց, որ մայիսի 17-ին նամակով դիմել է գլխավոր դատախազին և խնդրել տեղեկություն տրամադրել՝ թե ի՞նչ հիմնավորմամբ է որպես խափանման միջոց ընտրվել ստորագրություն չհեռանալու մասին։

Պաշտպանը նաև խնդրել է տրամադրել կա՛մ համապատասխան որոշման պատճենը, կա՛մ հայտնել՝ թե ի՞նչ հանգամանքներ են հաշվի առնվել այդ գործով։ Սակայն մինչ օրս գլխավոր դատախազից պատասխան չկա։ Նույն խնդրով Ալումյանը դիմել է նաև Հակակոռուպցիոն կոմիտե, որտեղից պատասխանել են, որ օրենքով նախատեսված չէ այդ տվյալների տրամադրումը։

Ալումյանը դիմեց դատախազներին, որ նրանք տրամադրեն այդ տվյալները պաշտպաններին կամ դատարանին, ինչին ի պատասխան նախագահող դատավորն ասաց, որ դատարանը չի կարող պարտավորեցնել մեղադրող կողմին։ «Եթե անհրաժեշտ համարեն, կներկայացնեն», - նշեց Դանիբեկյանը։

Այնուհետև Ալումյանը տեղեկացրեց, որ դիմել է մեկ այլ գործով պաշտպան Ամրամ Մակինյանին, ներկայացրել է դատական նիստի տեսաձայնագրությունը և խնդրել նրան տեղեկություն տրամադրել իր պաշտպանյալի վերաբերյալ։ Նամակին ի պատասխան Մակինյանը տրամադրել է Հակակոռուպցիոն կոմիտեի Քննչական երրորդ վարչության պետի պաշտոնակատար Հրաչ Մուշեղյանի 22․11․2021 թ․-ի որոշումը։ Ներկայացնելով փաստաթուղթը դատարանին՝ Ալումյանը միջնորդեց դատական նիստը շարունակել դռնփակ ռեժիմով, քանի որ պատասխանի մեջ գրվածը, ինչն էլ պետք է հետազոտվի, վերաբերում է սույն դատավարության հետ մասնակից չհանդիսացող անձին։

Այս պահին դատավարությունը շարունակվում է փակ դռների հետևում։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Սիլվայի գործ | դատական նիստ

Դիտել նաև

Իրավական 21 11 2024

Նիկոլ Փաշինյանի դեմ հերթական հայցը՝ զրպարտության ու վիրավորանքի պատճառով

Փաշինյանը ԱԺ ամբիոնից զրպարտել է Բագրատ սրբազանին․ ի՞նչ է կատարվել դատական նիստում

Ուղիղ 11 10 2024

ԱՅՍ ՊԱՀԻՆ I ՈւՂԻՂ I Հակասահմանադրական ճանաչված գործը փոխվել է, դատական նիստերը վերսկսվել են

ՈւՂԻՂ միացում՝ հակակոռուպցիոն դատարանից

Իրավական 18 09 2024

Հրայր Թովմասյանի գործով վճիռը կհրապարակվի 2 օրից

Թովմասյանի և իր փաստաբանների պնդմամբ, նրան մեղսագրվող արարքը հիմքում ընկած է բացառապես քաղաքական հետապնդումը

Ուղիղ 15 08 2024

ԱՅՍ ՊԱՀԻՆ I ՈւՂԻՂ I Դատական նիստ՝ Արմեն Աշոտյանի վերաբերյալ քրգործով

ՈւՂԻՂ միացում՝ հակակոռուպցիոն դատարանից․ շարունակվում է ԿԳ նախկին նախարար, ՀՀԿ փոխնախագահ Արմեն Աշոտյանի վերաբերյալ գործով նիստը

Ուղիղ 12 08 2024

ԱՅՍ ՊԱՀԻՆ I ՈւՂԻՂ I Մեղադրվում են տուժածները․ դատական նիստ՝ «Հունիսի 12-ի» գործով

Ուղիղ. ԱԺ շենքի դիմաց ոստիկանության կողմից նռնակներ նետելուց, քաղաքացիներին ջարդելուց հետո դատում են հենց քաղաքացիներին

Ուղիղ 31 07 2024

ԱՅՍ ՊԱՀԻՆ I ՈւՂԻՂ I Դատական նիստ՝ Մամիկոն Ասլանյանի վերաբերյալ քրգործով

ՈւՂԻՂ միացում՝ դատարանից․ Վանաձորի նախկին համայնքապետի վերաբերյալ առաջին դատական նիստը՝ ազատ արձակվելուց հետո