15  04  2019

Ապրիլի 15-ը մշակույթի միջազգային օրն է

Ապրիլի 15-ը մշակույթի միջազգային օրն է

Ապրիլի 15-ին աշխարհի շատ երկրներում նշվում է Մշակույթի համաշխարհային օր: Այն սահմանվել է 1935 թվականի ապրիլի 15-ին «Գեղարվեստական եւ գիտական հաստատությունների ու պատմական հուշարձանների պաշտպանության մասին» միջազգային պայմանագրի ընդունման պատվին, որը հայտնի է որպես Ռերիխի Պակտ: Այս մասին գրում է РИА Новости-ն։

Պակտի ստորագրման օրը Մշակույթի միջազգային օր դարձնելու նախաձեռնությունը 1998-ին պատկանում է Մշակույթի պաշտպանության միջազգային լիգային, որը ստեղծվել էր դրանից երկու տարի առաջ Ռերիխների միջազգային կենտրոնի կողմից։ Այդ հասարակական կազմակերպության գործունեությունն ուղղված է մշակույթի, արվեստի, գիտության ու կրոնի ձեռքբերումների պաշտպանությանն ու բազմապատկմանը։ 2008-ին Ռուսաստանի, Իտալիայի, Իսպանիայի, Արգենտինայի, Մեքսիկայի, Կուբայի, Լատվիայի ու Լիտվայի ՀԿ-ների նախաձեռնությամբ ստեղծվել է Միջազգային շարժում, որը պահանջում էր ապրիլի 15-ը հռչակել Մշակույթի միջազգային օր։ Եւ այսօր այդ տոնը նշվում է աշխարհի տարբեր երկրներում:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ