Որն է մեր կարմիր գիծը, մինչև որտեղ ենք պատրաստ զիջել անկուշտ թշնամուն․ «Հայաստանի Հանրապետություն»

«Ադրբեջանի զինված ուժերը մայիսի 12-ի առավոտյան մուտք են գործել Սյունիքի մարզի Սև լճի տարածք։ Ըստ էության, դա ոտնձգություն է Հայաստանի Հանրապետության ինքնիշխան տարածքի նկատմամբ։ Ցավոք, փորձը ցույց է տալիս, որ ադրբեջանական կողմի հետ հնարավոր չէ խաղաղ բանակցային, դիվանագիտական ճանապարհներով գտնել լուծումներ, առավել ևս հիմա, երբ Ադրբեջանը կուրացած է իր ռազմական հաջողությամբ։

Սյունիքի, ինչպես նաև Գեղարքունիքի մարզերում ստեղծված իրավիճակը ցույց է տալիս, որ կարևորագույն հարցերից մեկը մեր պետության և ազգաբնակչության, հատկապես սահմանամերձ բնակավայրերի բնակիչների համար անվտանգության գոտու ստեղծումն է։ Մարդկանց խաղաղ կյանքի, ֆիզիկական և հոգեկան անձեռնմխելիությունը անհնար է ապահովել, եթե մի քանի հարյուր մետրի վրա բարձրացված է ադրբեջանական դրոշը կամ անզեն աչքով կարելի է տեսնել նրանց զինվորներին։

Ի վերջո, ինքներս մեզ պետք է հարց տանք, թե որն է մեր կարմիր գիծը, որից հետո անշրջելիության մեխանիզմն է գործելու, մինչև որտեղ ենք պատրաստ զիջել անկուշտ թշնամուն՝ ո՞ր գյուղը, քաղաքը, բակը, տունը։ Եթե մենք ցանկանում ենք գոյություն ունենալ որպես պետություն, որպես ազգ, ապա այլընտրանք չունենք քան հույսը դնել զենքի և Հայոց բանակի վրա»,-գրում է թերթը։

Նյութն ամբողջությամբ կարդացեք թերթի այսօրվա համարում։