22  11  2019

Ամենամեծ առևտրի կենտրոնը մեծագույն խնդիրներ է առաջացնում․ «Իրատես»

Ամենամեծ առևտրի կենտրոնը մեծագույն խնդիրներ է առաջացնում․ «Իրատես»

«Իրատես» թերթը գրում է. «Գայի պողոտայում բացված «Մեգամոլ Արմենիա» առեւտրի եւ ժամանցի կենտրոնը իսկական պատուհաս է դարձել Նոր Նորքի բնակիչների համար։ Մինչ բացվելը մարդիկ ուրախանում էին‚ որ վերջապես իրենց վարչական շրջանում էլ ժամանակակից‚ քաղաքակիրթ առեւտրի կենտրոն է սկսում գործել‚ եւ ստիպված չեն լինի առեւտուր անելու կամ ժամանցի համար հասնելու քաղաքի կենտրոն կամ այլ վարչական շրջաններ։ 

Հիմա արդեն Գայի պողոտայում «Մեգամոլի» պատճառով տրանսպորտային այնպիսի խցանումներ են առաջանում‚ որ երկար ժամանակով մեքենաներում նյարդեր քայքայող ուղեւորները ստիպված են լինում անիծել այն օրը‚ երբ այս կենտրոնը բացվեց։ Խցանումները հատկապես երկարատեւ են օրվա պիկ ժամերին‚ երբ մարդիկ աշխատանքից տուն են վերադառնում։

Թեեւ «Մեգամոլն» ունի ստորգետնյա կայանատեղի‚ սակայն դա էլ փրկություն չէ‚ հավանաբար այդ հատվածում տրանսպորտային երթեւեկությունը չի կանոնակարգվում‚ ինչն էլ դառնում է նշված խնդրի առաջացման պատճառ։ Առեւտրի կենտրոնը դեռ իր ամբողջ հզորությամբ չի գործում. շատ խանութներ դեռեւս չեն բացվել‚ ու մարդիկ ահները սրտում սպասում են‚ որ ժամանակին զուգընթաց իրավիճակը կարող էլ ավելի ահագնանալ։

Այնպես որ՝ անընդհատ գովազդվող Հայաստանի ամենամեծ առեւտրի եւ ժամանցի կենտրոնը իր նման մեծ խնդիրներ է առաջացնում շրջակայքում ապրող բնակիչների համար»:

Նյութն ամբողջությամբ կարդացեք «Իրատես»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ