13 02 2019

Կահույքի բիզնեսով զբաղվող ընկերությունը հիվանդներ է բուժելու․ «Հրապարակ»

Կահույքի բիզնեսով զբաղվող ընկերությունը հիվանդներ է բուժելու․ «Հրապարակ»

«Հրապարակ»-ը գրում է․ ««Գր. Լուսավորիչ» ԲԿ-ում նոր խնդիրներ են առաջացել դիալիզի բուժսպասարկման մրցույթի հետ կապված: Շատերի համար անսպասելի՝ մրցույթը շահել է ոչ թե մշտական ծառայություններ մատուցող «Ֆրիզանյուզ», այլ «Զառշեն» ընկերությունը, որը, ըստ բուժանձնակազմի, նախկինում զբաղվել է կահույքի բիզնեսով: Ըստ նույն աղբյուրների` այդ ընկերության հաղթելու գործում իր շահագրգռվածությունը չի թաքցրել կառավարությանն «առընթեր» ծառայություններից մեկը:

Ինչո՞վ էր պայմանավորված այդ փոփոխությունը` հարցրինք ԲԿ-ի տնօրեն Արման Հովակիմյանին։ «Գնումների գործընթացով. այն օպտիմալացվում է, դիմողները շատացել են, անգամ կարող է թանկ գնառաջարկն ընտրենք՝ ամենաօպտիմալը։ «Զառշենը» հաղթել է մրցույթը ֆիլտրերի գծով։ Ինչ վերաբերում է դիալիզի տեխնիկական սարքերի սպասարկմանը, նոր տենդեր ենք հայտարարել, չնայած չենք բացառում, որ այդ սպասարկումը կատարի հիվանդանոցը»: «Բաժանիր, որ տիրես» սկզբունքո՞վ եք առաջնորդվում։ «Ոչ, նման սկզբունքներ չկան. դա նման կլինի գիտե՞ք ինչի, որ ավտոմեքենան քանդես-բաժանես մասերի ու «տիրես»։ Հնարավոր չէ նման բան․․․ գնումների համակարգն ունի իր թերությունները. գերագույն պատճառներից մեկն էլ դա է, որ առանձին տենդերներ հայտարարվեցին»։

Բա առաջ ինչո՞ւ այդպես չէր՝ մի ընկերություն էր սպասարկում։ «Որովհետեւ էն ժամանակ շատերը չէին կարող մասնակցել տենդերներին՝ մի ընկերություն էր մասնակցում, ինքն էլ հաղթում էր»: «Զառշենը» կահույքի բիզնեսով զբաղվող ընկերություն է, կարողանալո՞ւ է հիվանդներ բուժել։ «Ժամանակը ցույց կտա, հետո էլ՝ ընկերությունն զբաղվելու է ընդամենը մատակարարումներով»: 

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ