ՀՀԿ-ն միջազգային կառույցներին ճնշումների մասին փաստական նյութեր կներկայացնի. «168 ժամ»

«168 ժամ» թերթի տեղեկություններով՝ պետական ողջ ապարատը, այդ թվում՝ իրավապահ մարմինները, շարունակում են աննախադեպ ճնշումներ գործադրել ԱԺ ՀՀԿ խմբակցության պատգամավորների վրա՝ ԸՕ-ի քվեարկությունն ապահովելու համար։

Ընդ որում, բացի ԸՕ փաթեթը կրկին ԱԺ օրակարգ բերելու նպատակով արտահերթ նիստ հրավիրելու համար «ղազագիր» ստորագրած ՀՀԿ-ական պատգամավորներից, որոնց նկատմամբ գործադրվել են ուժային-քաղաքական մեթոդներ, այժմ շարունակվում են ֆրակցիայի մյուս անդամների նկատմամբ ճնշումները։ Այս առումով, երկուշաբթի օրվա ԱԺ քվեարկությունը հատկապես ուշագրավ է, քանզի ակնհայտ կդարձնի սպառնալիքի ենթարկվածների ցանկը։

Ըստ թերթի՝ ՀՀԿ-ի ձեռքի տակ են հայտնվել որոշ նյութեր, որոնք վերջիններս կներկայացնեն միջազգային կառույցներին և մամուլին, որոնք ակնհայտ կդարձնեն, որ ոչ միայն կոնսենսուս չկա, այլև զոռով անցկացրած ԸՕ-ն հետևանք է քրեա-տնտեսա-քաղաքական ճնշումների։

Թերթը հիշեցնում է, որ օրերս Արմեն Աշոտյանը Բրյուսելում խոսել է գործող իշխանությունների կողմից կիրառվող ճնշումների մասին։

Նյութն ամբողջությամբ կարդացեք թերթի այսօրվա համարում: