06 09 2022

Պայքար ՔՊ վարչության նախագահի պաշտոնի համար․ «Հրապարակ»

Պայքար ՔՊ վարչության նախագահի պաշտոնի համար․ «Հրապարակ»

«Հրապարակ» թերթը գրում է. «Սեպտեմբերի 18-ին «Քաղպայմանագիր» կուսակցության հերթական համագումարն է, եւ նոր վարչության ընտրություններին զուգահեռ, ՔՊ-ում թեժ կրքեր են հասունանում։ Մեզ ասացին, որ ՔՊ-ի նախընտրական առցանց հարթակն ակտիվ է օրվա 24 ժամը, վարչության անդամության հավակնորդներն իրենց ծրագրերով, պատկերացումներով են կիսվում: Ամենից ակտիվների 20-յակը գլխավորում է պատգամավոր Արսեն Թորոսյանը։

Որքան էլ տարակուսելի է, բայց չաթում ավելի պասիվ են նրանք, ովքեր վարչության նախագահ դառնալու հավակնություններ ունեն։ Հատկապես կատաղի պայքար են մղում նախկին փոխվարչապետ, Երեւանի քաղաքապետի թեկնածու Տիգրան Ավինյանն ու Սուրեն Պապիկյանը։ Ասում են՝ նրանք պայքարում են ոչ այնքան տեսանելի․ հանդիպումներ են ունենում, մունետիկների միջոցով բանակցություններ են վարում տարածքային կառույցների անդամների հետ՝ ձայն ստանալու համար։

ՔՊ-ում կարծում են, որ, ինչպես միշտ, այս անգամ էլ Փաշինյանը կհրաժարվի վարչության նախագահի պաշտոնից` ինքնաբացարկ կհայտնի․ նաեւ սրանով է պայմանավորված վարչության նախագահի պաշտոնի հավակնորդների ակտիվությունը»:

Առավել մանրամասն՝ թերթի այսօրվա համարում

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ