Իշխանությունն ու նիկոլը կատաղել են․ նրանք սկսել են խոսել միայն քրեական գործերի լեզվով․ ակցիա՝ դատախազության մոտ․ ուղիղ

ՀՅԴ անդամ, «Երկիր Մեդիա» հեռուստաընկերության լրատվական եւ քաղաքական ծրագրերի տնօրեն Գեղամ Մանուկյանը ֆեյսբուքյան իր էջում գրում է․

«Բոլոր ճանապարհները տանում են նիկոլի քննչական մարմինների դռներ

 Արծվիկ Մինասյանից, Գերասիմ Վարդանյանից հետո այսօր առավոտյան ոստիկանները մեր դուռն էլ թակեցին՝ հարցաքննության ներկայանալու ծանուցագրով։ Իշխանությունն ու նիկոլը կատաղել են, չեն հանգստանում։ Նրանք սկսել են խոսել միայն քրեական գործերի լեզվով։ ՊԱՏՐԱՍՏ ենք։ Վարժ ենք։ Ուղղակի քննիչներն են մեղք մեր ձեռքը։ Այսօր 15։30, բոլորիս (կարծում եմ՝ դեռ ցանկը մեծանալու է) կանչել են Երեւանի քաղաքի քննչական վարչություն։ Լավ չհասկացա՝ կասկածյալի կամ վկայի կարգավիճակով։ Ենթադրում եմ, որ տեղում արդեն մեղադրանք կառաջադրեն։ Բայց այդ շենք ուրիշ ապրումներով եմ մտնելու։

Իսկ 17։00 բոլորս հավաքվում ենք ՀՀ Գլխավոր դատախազության դիմաց։ Անօրինականության կենտրոնակայանի մոտ մեր բողոքը հայտնելու Հայաստանում շարունակվող համատարած անօրինականության եւ իրավական քաոսի դեմ»։

Հիշեցնենք, որ փաստաբան Բենիկ Գալստյանը ավելի վաղ ֆեյսբուքյան իր էջում տեղեկացրել էր, որ  Երևան քաղաքի քննչական վարչության կողմից հարցաքննության են կանչվել ՀՅԴ անկյունաքարային դեմքերը՝

Իշխան Սաղաթելյանը,
Արծվիկ Մինասյանը,
Գեղամ Մանուկյանը,
Տարոն Տոնոյանը,
Գերասիմ Վարդանյանը»։