Մի՛ սպասեք, մինչև ողբերգությունը ձեր տուն մտնի․ բողոքի ցույց՝ կառավարության դիմաց․ ՈՒՂԻՂ

«Համախմբում» նախաձեռնությունը, կառավարության շենքի դիմաց, բողոքի գործողություն է  իրականացնում։ Նախօրեին տարածված հայտարարությամբ նշվում է․  «Հունվարի 19-ին Գեղարքունիքի մարզում ոչ մարտական պայմաններում 15 ժամկետային զինծառայողների կյանքը խլած ողբերգությունը ՀՀ իշխանությունների կողմից Զինված ուժերի կառավարման հերթական հանցավոր ձախողման հետևանքն է։ Մեր յուրաքանչյուր զինվորի կյանքը բարձրագույն արժեք է, և նրանց ողբերգական կորստի հիմնական պատասխանատուները ՀՀ վարչապետը և պաշտպանության նախարարն են, ովքեր չպետք է հերթական անգամ խուսափեն պատասխանատվությունից։
Մի՛ եղեք անտարբեր,
Մի՛ սպասեք, մինչև ողբերգությունը ձեր տուն մտնի,
Միացե՛ք մեր բողոքին»,-ասված  է նախաձեռնության տարածած հայտարարության մեջ։

Առաջարկում ենք հետևել ուղիղ հեռարձակմամբ