05 11 2021

Չնշեցիք կարևոր գործոնը, դա գնաճն է, որը բերում է մարդկանց իրական եկամուտների նվազման․ պատգամավորը՝ Ֆինանսների նախարարին



«Մենք կանխատեսում ենք, որ 2022 թվականի ընթացքում բարձր՝ 7 տոկոս տնտեսական աճ պետք է ունենանք ու 2022 թվականի համար նախատեսվող անելիքները իրենց ֆինանսավորման կառուցվածքով միտված են այդ բարձր տնտեսական աճի միջավայրը երաշխավորելուն», - ԱԺ մշտական հանձնաժողովի նիստում , բյուջեի նախագծի  քննարկման ժամանակ  ասաց Ֆինանսների նախարար Տիգրան Խաչատրյանը։

Իր խոսքում նախարարը նշեց, որ  միջին կենսաթոշակները պետք է հավասարվեն սպառողական զամբյուղի արժեքին:  Հարցի հնարավորության ժամանակ, «Հայաստան» խմբակցության պատգամավոր Թադևոս Ավետիսյանն էլ ասաց, որ  համաձայն չէ նախարարի հետ:

« Չնշեցիք կարևոր գործոնը,  դա  գնաճն է, որն այսօր բերում է մարդկանց եկամուտների նվազման։  2020 թվականի աղքատության ցուցանիշը առնվազն դեռ հրապարակված չէ, բայց, Համաշխարհային բանկի գնահատմամբ, մենք ունենք 7 տոկոսային կետ աղքատության մակարդակի աճ, 2021-ը չենք ավարտել ու հիմա ունենք այդ գործոնը, որն իրական եկամուտնեի նվազման մասին է խոսում: Հիմա, երբ մենք ասում ենք ապագայում ստեղծենք հնարավորություն և այլն, ես պետք է անդրադառնամ հետևյալին՝ ծախսերը աճում են 18-ից ավելի տոկոս, եկամուտներն աճում են մոտ 29 տոկոս ու մի կարևորագույն ցուցանիշ՝ պարտադիր կուտակային կենսաթոշակային համակարգին պետության կողմից վճարվող գումարները հաջորդ տարի պլանավորել եք 106 միլիարդ դրամ, սա ակնհայտ է՝ չունի ընթացիկ սոցիալական ազդեցություն հաջորդ տարի։  Դուք մակրոտնտեսական կայունությունն առավել եք գնահատում, քան՝ սոցիալական խնդիրների լուծումը, սա ակնհայտ երևում է թվերից», - նշեց «Հայաստան» խմբակցության խատգամավոր Թադևոս Ավետիսյանը։

Մանրամասները՝ տեսանյութում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ