Կան որոշ ոլորտներ, որոնք կորոնավիրուսի համավարակի ազդեցությամբ ամբողջությամբ չեն վերականգնվել․ ՊԵԿ նախագահ

Առաջին 5 ամիսների ընթացքում փաստացի հավաքագրգված հարկային եկամուտները կազմել են 618.4 մլրդ դրամ, ինչը 34.8 մլրդ դրամով ավելի է 2020 թվականի համադրելի ցուցանիշից։ Այս մասին ԱԺ-ում լրագրողների հետ զրույցում ասաց ՀՀ պետական եկամուտների կոմիտեի նախագահ Էդվարդ Հովհաննիսյանը:

 «Տնտեսավարողներին և ֆիզիկական անձանց վերադարձված գումարը (ԱԱՀ-ի, ակցիզային հարկի և հիփոթեքային վարկի սպասարկման տոկոսերի վերադարձված գումարը) կազմել է 68.6 մլրդ դրամ»,- ասաց Հովհաննիսյանը:

Ըստ ՊԵԿ նախագահի` կան որոշ ոլորտներ, ինչպես` զբոսաշրջությունը, որոնք կորոնավիրուսի համավարակի ազդեցությմաբ ամբողջությամբ չեն վերականգնվել, սակայն մյուս ոլորտները հիմնականում վերականգնվել են և բնականոն հունով աշխատում են:

Մանրամասն՝ տեսանյութում։