13 12 2021

Այդպիսի բան չի եղել. Սեյրան Օհանյանը՝ Հայկ Մարությանի և Ռոբերտ Քոչարյանի հանդիպման լուրի մասին. NEWS.am

Այդպիսի բան չի եղել. Սեյրան Օհանյանը՝ Հայկ Մարությանի և Ռոբերտ Քոչարյանի հանդիպման լուրի մասին. NEWS.am

Երևանի քաղաքապետ Հայկ Մարությանի հետ մինչև իր՝ պաշտոնի ստանձնելը մի քանի անգամ մենք հանդիպել ենք, հանդիպել էինք նաև այս վերջին տարիներին, բայց այդ ամենը չի կարող հիմք հանդիսանալ, որ ես միջնորդեմ՝ ՀՀ երկրորդ նախագահ Ռոբերտ Քոչարյանի հետ հանդիպելու։ Այս մասին այսօր՝ դեկտեմբերի 13-ին, NEWS.am-ի հետ զրույցում ասաց «Հայաստան» խմբակցության ղեկավար Սեյրան Օհանյանը։

«Արթուր Ալեքսանյանը, որի անունը գրված է սխալներով, ինքը գեներալ չի, գնդապետ է, հանդիսանում է իմ մարտական ընկերը։ Այդպիսի բան չի եղել։ Ինձ թվում է՝ իրենք դա հատուկ են տարածում, հաշվի առնելով, ինչպես նշվում է՝ Հայկ Մարությանի և իշխանությունների հարաբերությունները»,- նշեց Սեյրան Օհանյանը։

Նշենք՝ «Հայկական ժամանակը» գրել է, թե Հայկ Մարությանը պատերազմի ավարտից հետո դիմում է ներկայացրել «Քաղաքացիական պայմանագիր» կուսակցությունից հեռանալու մասին եւ խզել հարաբերություններն իշխող ուժի անդամների հետ: Ըստ «Հայկական ժամանակի»՝  տեղեկություններ են շրջանառվում նաեւ այն մասին, որ պատերազմի ավարտից հետո Հայկ Մարությանը Սեյրան Օհանյանի միջնորդությամբ հանդիպել է Ռոբերտ Քոչարյանի հետ:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ