Շուռնուխի բնակչի գոմի կեսը ադրբեջանցիների վերահսկողության տակ է. Սա ծաղր է մարդու նկատմամբ. Արման Թաթոյան

Մամուլիս ասուլիսի ժամանակ ՄԻՊ Արման Թաթոյանը  քարտեզի վրա ցույց տվեց Շուռնուխում քաղաքացիներինց Ստյոպա Մովսիսյանի տունը, և նշեց, որ անասնագոմի մի մասը մնացել է ադրբեջանցիների վերահսկողության տակ։

«Պատկերացնու՞մ եք մի երկիր կամ միջազգային կազմակերպություն, որը կարող է սա ընդունելի համարել։ Սա մարդու նկատմամբ ծաղրից էլ ավել է, մարդու արժանապատվության ամենակոպիտ խախտում է»,-նշեց Արման Թաթոյանը։

Նա նշեց, որ մի հատվածում, որտեղ ամեն օր երեխաներ են խաղում, երեք երկրի զորք կա։ Սա երեխաների իրավունքների տեսանկյունից ևս խախտում է, և դատապարտելի պահվածք է, որ այս ամենի վրա աչք են փակում։

«Երեք երկրի զորքի պայմաններում երեխան կարո՞ղ է նորմալ միջավայրում մեծանալ»,-հավելեց պաշտպանը։

Արման Թաթոյանն անդրադարձավ նաև այլընտրանքային ճանապարհ կառուցելուն

«Մենք ասում ենք, որ կառուցում ենք այլընտրանքային ճանապարհ , շատ լավ կառուցում ենք , բայց մենք ինչու՞ ենք հրաժարվել միանգամից մեր հիմնական  ճանապարհից։  Ասում ենք  դե լավ,   Ադրբեջանն ասում է մեր ն է, մենք էլ  բերենք այլընտրանքային ճանապարհներ կառուցենք , այլընտրանքային գյուղեր, քաղաքներ կառուցենք , կարող է Ադրբեջանը վաղը քարտեզ  բերի   ու ասի  այս  գյուղն էլ է իմը, այլընտրանքային  գյուղ կառուցե՞նք։  Մեր աշխատակազմով մանրակրկիտ ուսումնասիրել ենք  արխիվային բոլոր  փաստաթղթերը , ադրբեջանական իշխանությունները 20-ական թթ-ից սկսած  միշտ օգտագործել են էթնիկ  գործոնը՝  տարածքներ նվաճելու համար»,-ասաց Արման Թաթոյանը։

Մանրամասները՝տեսանյութում։