Այդ մարդը հետ չի կանգնում իր ապօրինի վարքագծից․ պատգամավորը՝ Փաշինյանի մասին

«Հայաստան» խմբակցության քարտուղար Արծվիկ Մինասյանը խորհրդարանական ճեպազրույցի ժամանակ անդրադարձավ վարչապետ Փաշինյանի երեկվա հայտարարություններին․  ՏԻՄ ընտրությունների վերաբերյալ օրինագծի մասին խոսելով ,  նշեց, որ «Հայաստան» և «Պատիվ ունեմ» խմբակցությունների պատգամավորներով դիմել են ՍԴ՝  համայնքների խոշորացման սահմանադրականությունը վիճարկելու հարցով։

«Հանրապետության նախագահը հերթական անգամ չգտնվեց Սահմանադրության իր լիազորությունների շրջանակում , ստորագրեց  առերևույթ հակասահմանադրական այս օրենքը ։ Ակնհայտորեն այս խոշորացումը, որն ունի քաղաքական նպատակ , սեփական իշխանությունը առավել  ամրապնդելու, բոլոր տարածքներում  ՔՊ-ական իշխանություն հաստատելու մտադրությամբ  խոսում է  այն մասին,  որ այս մարդը չի  էլ հետ կանգնում  իր ապօրինի վարքագծից ։ Երկրորդ՝  հրահանգ տվեց իրավապահ մարմիններին, պահանջեց որպեսզի իրեն զեկուցեն  սա ոչ այլ ինչ է , քան՝ իրավական տեսակետից լիազորությունների չարաշահում , առերևույթ հանցագործություն , որովհետև չի կորղ գործադիր իշխանության ղեկավարը պահանջի կալանավորումներ ու ձերբակալություններ․ մեր գործընկերները , որ անազատության մեջ են գտնվում , հստակ քաղաքական պատվեր է ենթադրում»,-նշեց Արծվիկ Մինասյանը։

Մանրամասները՝ տեսանյութում։