Փաշինյանի անվտանգության աշխատակիցները խոչընդոտում են PARA TV-ի լրագրողին՝ նկարահանումներ իրականացնել Կութ գյուղում

Նիկոլ Փաշինյանի անվտանգության աշխատակիցները խոչընդոտում են PARA TV-ի լրագրողին՝ նկարահանումներ իրականացնել Կութ գյուղում։

«Ինչպես հայտնի է, Նիկոլ Փաշինյանն այցելել է Գեղարքունիքի Կութ գյուղ։ Այցի շրջանակում հանդիպել է քաղաքացիների հետ։ Վարչապետի պաշտոնը զբաղեցնող անձն իր այցը լուսաբանում է նաև ուղիղ եթերով։

Մեր նկարահանող խմբին, սակայն, ոչ միայն արգելվել է այցը և քաղաքացիների հետ հանդիպումը լուսաբանել, այլև մուտք գործել Կութ գյուղ։

PARA TV-ն հրավիրում է լրագրողական և իրավապաշտպան կազմակերպությունների ուշադրությունը այս խնդրին և պահանջում է իշխանությունից չխոչընդոտել լրագրողների մասնագիտական պարտականությունների կատարմանը։

Հիշեցնենք, որ լրագրողն իր մասնագիտական օրինական գործունեության ընթացքում, որպես հասարակական պարտք կատարող անձ, պաշտպանվում է Հայաստանի Հանրապետության օրենսդրությամբ», - ասված է PARA TV-ի տարածած հայտարարությունում։