08 05 2021

Սահմանամերձ Նռնաձոր գյուղում նոր թաղամաս կկառուցվի

Այսօր տեղի ունեցավ Նռնաձոր գյուղում կառուցվող նոր թաղամասի երկու առանձնատների հիմնարկեքի արարողությունը: Այս մասին հայտնում են Մեղրիի համայնքապետարանի ֆեյսբուքյան էջում:

«Այսօր տեղի ունեցավ Նռնաձոր գյուղում կառուցվող նոր թաղամասի երկու առանձնատների հիմնարկեքի արարողությունը: Միջոցառմանը մասնակցում էին Սյունիքի համայնքապետեր, համայնքի վարչական ղեկավարներ, ավագանիների անդամներ, համայնքապետարանի ներկայացուցիչներ և գյուղի բնակիչներ: Միջոցառումը համեմված էր Մեղրիի մարզամշակութային կենտրոնի սաների երաժշտական համարներով:

Հիմնադրամի հոգաբարձուների խորհրդի նախագահ Արմեն Սաքապետոյանը ողջունեց ներկաներին և ներկայացրեց ծրագրի շրջանակներում նախատեսվող աշխատանքները: Թաղամասի կառուցումն իրականացվում է վերջերս հիմնադրված «Մեղրիի զարգացման հիմնադրամի» կողմից: Ֆինանսավորումն իրականացվում է բարերարների միջոցներով:

Ծրագրով նախատեսվում է կառուցել 30 անհատական բնակելի առանձնատների թաղամաս՝ նախատեսված պատերազմի հետևանքով Արցախից տեղահանված բնակիչների համար:

Օրերս հաջողությամբ ավարտվել են գեոդեզիական և հողահարթեցման աշխատանքները և արդեն իսկ մեկնարկել են երկու տների կառուցման աշխատանքները։

Սյունիքի բարեգործական հիմնադրամի տնօրեն Գուրգեն Գրիգորյանն իր խոսքում նշեց. «Ծրագիրն այսքանով չի սահմանափակվում, մեր հեռահար նպատակների շրջանակներում է ընդգրկված ամբողջ Մեղրի համայնքը: Բոլորս քաջ գիտակցում ենք, որ հայրենիքը սկսվում է սահմանից և հենց դրանով էր պայմանավորված, որ ընտրեցինք հայրենիքի վերջին, սահմանամերձ համայնքը՝ շենացնելու, նոր շունչ հաղորդելու ու վերաբնակեցնելու համար»: Մեղրի համայնքի ղեկավար Մխիթար Զաքարյանը շնորհակալական խոսք հղեց հիմնադրամին իրենց աջակցությունն ու զորակցությունը ցուցաբերելու համար, ինչի արդյունքում Նռնաձորը՝ հարավարևելյան ուղղության առաջին սահմանամերձ գյուղը կվերաբնակեցվի և նոր շունչ կստանա:

Նռնաձոր բնակավայրի ղեկավար Ալիկ Բոյաջյանը նույնպես շնորհակալանքի խոսք ուղղեց ծրագրի աջակիցներին՝ նմանօրինակ նախաձեռնությամբ Արցախի մեր հայրենակիցներին սատար կանգնելու և գյուղը շենացնելու համար:

Միջոցառման ավարտին տեղի ունեցավ առաջին երկու առանձնատների հիմնարկեքի արարողությունը: Տարածաշրջանի հոգևոր հայր տեր Ռաֆայելի ձեռամբ օծվեցին նոր կառուցվող առանձնատների հիմնաքարերը:

Հիմնարկեքի կարգից հետո համայնքապետի նախաձեռնությամբ կազմակերպվեց մատաղի հյուրասիրություն»:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Նռնաձոր | Թաղամաս

Դիտել նաև

Քաղաքական 08 07 2022

Իրավունք չունենք Աղավնոյի և Նռնաձորի մեր արժանապատիվ քաղաքացիներին մենակ թողնելու. Ասպրամ Կրպեյան

Աղավնոյի համայնքապետի հետ զրուցեցինք, ասաց, որ մի թիզ անգամ նահանջելու տեղ չկա, ընդհակառակը՝ վերականգնելու են ժառանգություն ստացած սրբազան հայրենիքը. պատգամավոր

Հասարակություն 30 04 2021

Կարմիր շուկայում մեկնարկել են նոր թաղամասի կառուցման աշխատանքները. Արտակ Բեգլարյան

Տեղահանվածների համար կառուցվում է ավելի քան 100 բնակարանանոց նոր թաղամաս

Հասարակություն 09 01 2021

Շուռնուխում 12 նոր տուն կկառուցվի․ Կառավարություն

Գեոդեզիստները պետք է Շուռնուխի ամենաանվտանգ տարածքները գտնեն տներից զրկված քաղաքացիների նոր կացարանների համար

Քաղաքական 23 12 2020

Այս կերպ շարունավելու դեպքում կարող ենք արժանանալ Հադրութի ճակատագրին․ Մեղրիի համայնքապետ

Ղեկավարության մեղքով Նռնաձոր գյուղի տարածքի չեզոք գոտին վերածվել է ադրբեջանական հենակետի․ Մխիթար Զաքարյան

Հասարակություն 28 07 2020

Ինչպիսի՞ տեսք կունենա Ֆիրդուսի թաղամասը․ եռաչափ մոդել

Հուշարձան-շենքերին հաջորդելու են 2-4 հարկանի շենքեր․ ստեղծվելու է նոր, համահունչ զբոսաշրջային միջավայր․ Վարագ Սիսեռյասն

Հասարակություն 18 06 2020

Ֆիրդուսի թաղամասի նախագիծը երկրի խոշորագույն ներդրումային ծրագրերից է. հայտարարություն

Թույլ չենք տալու անհարկի ու հակաիրավական քայլեր. «Կառուցապատողների հայկական ասոցիացիա»