Առաջարկում եմ «առաջադեմներին» պատասխանել հետևյալ հարցին. Ավետիք Իշխանյան

Իրավապաշտպան Ավետիք Իշխանյանը գրել է.

Ա՛յ քեզ հասարակություն

Հայաստանի, այսպես կոչված քաղաքացիական հասարակությունը, մշտապես հղումներ է անում ժողովրդավարական արժեքներին, հաճախ օրինակներ բերելով, իսկապես քաղաքակիրթ երկրների փորձին։ Իհարկե, կարելի էր համաձայնել նրանց հետ, եթե նրանք մինչև վերջ լինեին սկզբունքային իրենց «դավանած արժեքներին»։

Կարելի է նրանց հիշեցնել, նրանց կուռքի ստերն ու կեղծիքները՝ սկսած Աբաջյանի կեղծ պապիկից մինչև վերջերս Արագածոտնի մարզի կեղծ երեխաներն ու նույն իրենց կուռքի կողմից վճարված երկրպագուները։ Բառ առ բառ կարելի է հիշեցնել կուռքի ստերը, սկսած արագաչափերից, վերջացրած Սու-30- ի հետ կապված հորինվածքները։

Բայց, ուզում եմ հիշեցնել մեր «առաջադեմներին», իրենց սերտած «իրավական, ժողովրդավարական և այլ սկզբունքների» մասին։ Չեմ ցանկանում բանավեճի մեջ մտնել, իմ համոզմամբ պարզ հակասահմանադրական երևույթներին՝ ՍԴ-ի դեմ կազմակերպված հարձակումները, դատարանների շրջափակումը, պարտությունը։

Ողղակի, առաջարկում եմ «առաջադեմներին» պատասխանել հետևյալ հարցին․

-Ինչպե՞ս կվերաբվեր ձեր երկրպագած ժողովրդավարական երկրների քաղաքացիական հասարակությունը, իշխանությանը եթե․

1․ Գաղտնազերծվեր ԱԱԾ-ՀՔԾ-վարչապետ հեռախոսային խոսակցությունը․ «Ուզես, չուզես, կալանք պետք է տաս»։

2. Հանկարծ քրեական գործ հարուցվեր այն դատավորի նկատմամբ, ով փոխում է վարչապետի կողմից անցանկանալի անձի խափանման միջոց կալանքը։
3. Պարզվեր, որ ԱԺ նախագահը հատուկ ծառայությունների գործակալ է։

4.Բացահայտվեր, որ վարչապետի խորհրդականը ուղղորդում է քննիչներին քրեական գործ կազմելիս։

5. Վարչապետին չենթարկվող Բարձրագույն Դատական Խորհրդի նախագահի կնոջը «հրավիրում» են ՀՔԾ։
6. Չի կատարվում վարչական դատարանի որոշումը։

7.Նույն վարչական դատարանի դատավորին «այցելում» է ԱԱԾ գործակալը։

Բնականաբար, ցանկն ամբողջական չէ։

Պատասխան․

Հարգելի , այսպես կոչված, քաղաքացիական հասարակության ներկայացուցիչներ, ձեր կողմից երկրպագված ժողովրդավարական, քաղաքակիրթ երկրների, ոչ միայն քաղաքացիական հասարակությունը, այլև ողջ ժողովուրդը ոտքի կկանգներ և կպահանջեր կառավարության հրաժարականը։ ․․․Առնվազն․․․