Այսօր երեկոյից Հանրապետության ողջ տարածքում կվերսկսվեն տեղումները․ Գագիկ Սուրենյան

Օդի ջերմաստիճանը, բացառությամբ Արարատյան դաշտի և նախալեռնային հատվածների, երկրի ողջ տարածքում նորմայից բարձր է եղել: Այս մասին մարտի 23-ին լրագրողների հետ հանդիպման ժամանակ ասաց Հիդրոօդերևութաբանության և մոնիտորինգի կենտրոնի փոխտնօրեն Գագիկ Սուրենյանը:

«Արարատյան դաշտում և նախալեռնային հատվածներում, այդ թվում նաև Երևանում օդի ջերմաստիճանը նորմայի սահմաններում է եղել: Տեղումների քանակը նույնպես գտնվել է նորմայի սահմաններում: Փետրվարը շատ տաք էր. երկրի ողջ տարածքում օդի միջին ջերմաստիճանը նորմայից բարձր էր 4-5 աստիճանով: Տեղումների քանակը մոտ էր նորմային և նորմայից բարձր: Օրեր կային, երբ օդի ջերմաստիճանի ցուցանիշը գերազանցում էր նախկինում գրանցված ցուցանիշները»,-ասաց Սուրենյանը: 

Մանրամասն՝ տեսանյութում։