03 09 2020

ՀՅԴ ՀԳՄ ներկայացուցիչը հանդիպել է Արամ Ա վեհափառի հետ

ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանն ու ՀԳՄ անդամ Աշոտ Սիմոնյանն այս օրերին հատուկ ինքնաթիռով Լիբանան են ուղեկցել ՀՅԴ Հայաստանի Գերագույն մարմնի և «Երկիր» հիմնադրամի «Օգնիր եղբորդ-Լիբանան» ծրագրով պատրաստված սննդամթերքի 1000 արկղ մարդասիրական բեռը:

Սեպտեմբերի 3-ի առավոտյան Իշխան Սաղաթելյանը և Աշոտ Սիմոնյանը, ընկերակցությամբ ՀՅԴ Լիբանանի Կենտրոնական կոմիտեի անդամներ Հակոբ Հավաթյանի եւ Մելիք Գարագավորյանի, այցելեցին Մեծի Տանն Կիլիկիո Արամ Ա վեհափառին։ ՀՅԴ Հայաստանի ԳՄ ներկայացուցիչն առաջին հերթին ներկայացրեց «Օգնիր եղբորդ-Լիբանան» ծրագրի մանրամասները եւ շեշտեց ստեղծված ճգնաժամում Լիբանանի հայ համայնքին սատար ու զորավիգ լինելու՝ ՀՅԴ հայաստանյան կառույցի ամբողջական պատրաստակամությունը։

Վեհափառ հայրապետը բարձր գնահատեց Գերագույն մարմնի նախաձեռնությունը՝ հաստատելով, որ այս օժանդակությունը, անկախ նյութական արժեքից, ունի բարոյական խորիմաստ նշանակություն եւ գործնականում ապացուցում է Հայաստան-Արցախ-Սփյուռք եռամիասնության հարազատ դրսեւորումը։

Ի. Սաղաթելյանը երախտագիտությունը հայտնեց Արամ Ա կաթողիկոսին՝ լիբանանահայ համայնքի հանդեպ ունեցած հոգատարության ու գուրգուրանքի, ինչպես նաեւ լիբանանահայության վերականգնման համար վեհափառի նախաձեռնած ու հովանավորած համահայկական նվիրահավաքի աշխատանքի համար, որին արձագանքել են Հայաստանը, Արցախը եւ արտերկրի բոլոր համայնքները։ Այս առիթով Արամ Ա վեհափառը շեշտեց լիբանանահայ համայնքի վերականգման անհրաժեշտությունը եւ դրա համահայկական դերակատարության կարեւորությունը՝ հաստատելով, որ Մերձավոր Արեւելքի երկրների հայ համայնքները տակավին մեծ առաքելություն ունեն մեր ժողովրդի համահայկական եւ համազգային տեսլականների իրականացման գործում։ Հետեւաբար, նա շեշտեց, որ համայնքների դիմագրաված մարտահրավերների հաղթահարումը եւ այդ աշխատանքի հանդեպ ցուցաբերված համահայկական զորակցությունն ունեն կենսական նշանակություն։

Հանդիպումը առիթ էր նաեւ խորհրդակցելու ՀՀ-ի եւ Արցախի հրատապ խնդիրների մասին։ ՀՅԴ Հայաստանի ԳՄ ներկայացուցիչը Վեհափառին ներկայացրեց Հայաստանի ներքաղաքական կացության վերաբերյալ կուսակցության տեսակետներն ու դիրքորոշումները։ Կաթողիկոսը, իր հերթին, անհրաժեշտ համարեց հայրենիք-սփյուռք հարաբերությունների առողջ ու նպատակաուղղված հունավորումը և այդ շրջանակում աշխատանքային գործադաշտերի լայն հնարավորությունների ստեղծումը։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Արցախ | «Օգնիր եղբորդԼիբանան» ծրագիր | Իշխան Սաղաթելյան | ՀՅԴ ՀԳՄ | Արամ Ա

Դիտել նաև

Մշակույթ 15 11 2024

Հռոմում տեղի կունենա Արցախի մշակութային ժառանգության պահպանությանը նվիրված Միջազգային համաժողով

Համագումարը կազմակերպվում է Սուրբ Աթոռում Հայ Առաքելական Եկեղեցու ներկայացուցչության և ’Istituto di Studi Ecumenici dell’Angelicum ինստիտուտի կողմից՝ Ամենայն Հայոց Կաթողիկոսության հովանավորությամբ

Քաղաքական 14 11 2024

ՅՈՒՆԵՍԿՕ-ի սկզբունքներով համամարդկային համարվող Արցախի ժողովրդի ստեղծած ժառանգությունը շարունակաբար ավերվում է

ՅՈՒՆԵՍԿՕ-ի գործողությունները սահմանափակվել են կոչերով և մտահոգությունների արտահայտմամբ․ monumentwatch.org

Քաղաքական 14 11 2024

COP29-ին մասնակցող երկրները արդարացնում են Բաքվի պատերազմական հանցագործությունները․ Իշխան Սաղաթելյան

Համաժողովին մասնակցող մեր բոլոր գործընկերներից ակնկալում ենք Արցախում Ադրբեջանի իրականացրած հանցագործությունների հասցեական դատապարտում․ պատգամավոր

Քաղաքական 14 11 2024

Թրամփն առաջարկել է Ազգային հետախուզության տնօրեն նշանակել Թուլսի Գաբբարդին, ով նախկինում այցելել է Արցախ

Արցախ այցելելու համար ԱՄՆ Կոնգրեսի ներկայացուցիչների պալատի անդամները, այդ թվում՝ Թուլսի Գաբբարդը ներառվել են Ադրբեջանի ԱԳՆ «սև ցուցակում»

Մշակույթ 13 11 2024

ՅՈՒՆԵՍԿՕ-ի «մտահոգություններն»՝ Արցախի ժառանգության շարունակական ոչնչացումների մասին

Մշակույթ 12 11 2024

Ադրբեջանի թիրախnւմ Արցախի «Մե՛նք ենք մեր սարերը» հուշարձանն է․ Monument Watch

Ադրբեջանական քարոզչամեքենան նոր թեզ է առաջ քաշում, որ թեպետ հուշարձանը կառուցված է խորհրդային տարիներին ադրբեջանական գումարներով, սակայն այն ‹‹դարձել է հայկական անջատողականության խորհրդանիշ››, ուստի պետք է ապամոնտաժվի