26 05 2020

Սոցապի երրորդ հաստատությունն է վարակվել. Ձորակում այսօր կթեստավորվեն

Սոցապի երրորդ հաստատությունն է վարակվել. Ձորակում այսօր կթեստավորվեն

Մեկուսացվել են «Ձորակ» հոգեկան առողջության կենտրոնի խնամյալները, այսօր 20 հոգի նոր կորոնավիուսի թեստ կհանձնեն, և X բուժկենտրոնի ևս 10  անիտարներ, որոնք շփման մեջ են եղել Ձորակի վարակված շահառուի հետ: Առայժմ հայտնի չէ շահառուի վարակման հանգամանքները, քանի որ մինչ հաստատումը՝ նա մեկ օրով տեղափոխված է եղել  հիվանդանոց: Պարզված չէ  նաև՝ նոր օջախը ձևավորված է հենց հաստատության ներսո՞ւմ, թե՞ «Ձորակում» վարակ բերած տվյալ  շահառուի դեպքով  վտանգը կչեզոքացվի

Ախատանքի և սոցիալական հարցերի նախարարի խոսնակը հաստատեց Yerevan․Today-ի տեղեկությունը: Նրա պարզաբանմամբ՝  «Մայիսի 23-ին խնամյալներից մեկի՝ 23 ամյա աղջկա  ինքնազգացողությունը կտրուկ վատացել է, իր հիմնական հիվանդության վատթարացում է նկատվել, նրան տեղափոխել են երևանյան բուժկենտրոններց մեկը, որտեղ մեկ օր մնալուց հետո թեստավորվել է, պատասխանը դրական է եղել: Շահառուի մոտ վարակի հաստատման դեպքից հետո անմիջապես մեկուսացվել են վարակակիր շահառուի հետ կոնտակտավոր մյուս բոլոր շահառուները և 10 սանիտարներ: Մյուս բոլոր խնամյալները մեկուսացված են»:

Թեստերի պատասխաններն ստանալուց հետո կորոշվի՝  վարակված շահառուների հետագա խնամքն ուբուժումը որտեղ և ինչ պայմաններում կազմակերպել:

Հիշեցնենք, երեկ էլ նոր կորոնավիրուսով վարակման շուրջ երկու տասնյակ դեպք էր հաստատվել  նույն նախարարության մեկ այլ հաստատությունում: Մարի Իզմիրլյանի անվան մանկատանը 15 վարկավ անձանցից 6-ը կենտրոնի աշխատակից են,  9-ը՝ երեխա:

Նշենք, ինչպես Ձորակ «Ձորակ» հոգեկան առողջության խնդիրներ ունեցող անձանց խնամքի կենտրոնում, այնպես էլ Մարի Իզմիրլյանի անվան մանկատանը բնակվում են բացառապես խոցելի խմբի շահառուներ՝ առաջինում հոգեկան խնդիրներ ունեցող չափահասներ են, երկրորդում` հաշմանդամություն և աուտիզմ ունեցողներ երեխաներ են, դաունի համախտանիշով և կլման ակտի խնդիր ունեցող, ընդհուպ՝ անկողնային վիճակում գտնվող երեխաներ, իսկ դա նշանակում է, որ կորոնավարակը լուրջ սպառնալիք է այս խմբի մարդկանց կյանքի համար:

Սյուզի Բադոյան

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ