ՏՄՊՊՀ-ն կարճել է «ՎԵՈՆ Արմենիա» և «Յուքոմ» ՓԲԸ-ների համակենտրոնացման մասին վարույթը

ՀՀ ՏՄՊՊՀ-ն կարճել է «ՎԵՈՆ Արմենիա» եւ «Յուքոմ» ՓԲԸ-ների համակենտրոնացման մասին վարույթը։ Այս մասին հայտարարություն է տարածել ՀՀ տնտեսական մրցակցության պաշտպանության

պետական հանձնաժողովը։

Հայտարարությոան մեջ, մասնավորապես, ասվում է.

«ՀՀ ՏՄՊՊՀ-ն կարճել է «ՎԵՈՆ Արմենիա» եւ «Յուքոմ» ՓԲԸ-ների համակենտրոնացման մասին վարույթը

ՀՀ տնտեսական մրցակցության պաշտպանության պետական հանձնաժողովը որոշում է կայացրել վերսկսել եւ կարճել «ՎԵՈՆ Արմենիա» եւ «Յուքոմ» փակ բաժնետիրական ընկերությունների 2019 թվականի դեկտեմբերի 30-ի դիմումի հիման վրա հարուցված վարչական վարույթը:

«Վեոն Արմենիա» ընկերությունը 2020 թվականի մայիսի 6-ին դիմել է հանձնաժողով՝ հայտնելով, որ հրաժարվում է իր դիմումից եւ խնդրում է կարճել հարուցված վարչական վարույթը:

Հաշվի առնելով, որ դիմումատուն գրավոր հրաժարվել է իր դիմումից՝ վերանում է հարուցված վարչական վարույթն իրականացնելու անհրաժեշտությունը, հետեւաբար հանձնաժողովը որոշել է վարչական վարույթը կարճել:

Հիշեցնում ենք, որ հանձնաժողովի 2020 թվականի մարտի 19-ի թիվ 122-Ա որոշմամբ, հաշվի առնելով ՀՀ-ում հայտարարված արտակարգ դրությունը, կասեցվել էր ընկերությունների դիմումի հիման վրա հարուցված վարչական վարույթի իրականացման ժամկետի ընթացքը։

Հարկ է նշել, որ վարույթի շրջանակում հանձնաժողովն իրականացրել է հեռահաղորդակցության ոլորտի լայնածավալ ուսումնասիրություն, որը հետագայում կհրապարակվի։

Հանձնաժողովի որոշմանը կարող եք ծանոթանալ կից՝ http://www.competition.am/up…/resources/Vo161_13_05_2020.pdf»։