Վարակի նոր դեպք ՌԴ-ում Հայաստանի դեսպանատա՞նը. աղբյուր

Օրեր առաջ ՌԴ-ում Հայաստանի դեսպանատանը աշխատանքի համար դիմած հայերի հավաքից հետո մեկուսացվել են դեսպանատան մի քանի դիվանագետներ, նույնիսկ տեղեկություններ կան, որ այդ օրը վարակվել են դեսպանատան աշխատակիցներից  5 –ը, կկնակի թեստերի պատասխանները կստացվեն առաջիկա օրերին: 

Իսկ մինչ՝ դեսպանատան փոքարաթիվ աշխատակազմը գերբեռնված ռեժիմով   սպասարկում է հայրենիք վերադառնալ ցանկացող 5000 հայտատուներին, ուժերի գերլարումով է կազմակերպում  հյուրատներում ու Դոմոդեդովո օդակայանում գիշերող 350-ից ավելի ՀՀ քաղաքացիների սննդի ապահովման, փաստաղթերի հարցերը:

Փաստորեն, վարակման հնարավոր դեպքը տեղի է ունեցել շինարարական ոլորտում աշխատատեղերի մասին հաղորդագրության տարածումից հետո, երբ դեսպանատուն էին այցելել միանգամից տասնյակներով խոհարարներ, վարսավիրներ ու շատ այլ մասնագիտության տեր հայրենակիցներ: 

Հետագայում է պարզվել, որ դեսպանատան մոտ հավաքված հայերի մեջ եղել են նոր կորոնավիրուսով վարակվածներ, ուրեմն չի բացառվում, որ այս անձիք վարակը տարածել են խմբվածների ու դեսպանատան աշխատակիցների շրջանում: Եթե թեստերի պատասխանները դրական լինեն, նշանակում է վտանգված է դեսպանատան աշխատանքը,  լուրջ վտանգի տակ հայտնվում այս ամբողջ գործընթացի կազմակերպումը, քանի որ ապահոագրված չէ մյուս աշխատակիցների առողջությունը: Ի դեպ, ապահովագրված չէ նաև դեսպան Վարդան Տողանյանը, ով ենթակաների մեկուսացման դեպքից հետո անձամբ ու միայնակ է դուրս գալիս հանդիպումների՝ թե օդակայանում գիշերող հայերի հետ, և թե վերջիններիս օգնության ձեռք մեկնող բարերարների ու նախաձեռնող խմբերին:  

ՀԻշեցնքն, մարտի 30-ից, ինչ ՌԴ իշխանությունը դադարեցրեց օդային հաղորդակցությունը՝ պանդեմիյի պատճառով, այնտեղից մի քանի հատուկ չվեթներով հայրենիք վերադարձան հատկապես խոցելի խմբի ներկայացուցիչները՝ ծերեր, տարանցիկ երկրներից վերադարձողներ, ՌԴ-ում բնակութւյան կարգավիճակ չունեցողները: Սակայն վերադարձի իրենց հերթին սպասողների մեջ այս ընթացքում դեսպանատունը որոշակի խմբավորում մստցրեց:

Դիմումատուների տվյալների բազաներում առանձնացվել է  հատկապես երկքաղաքացիություն ունեցողների ու բնակության վայր ունեցող անձանց խումբը, որպեսզի այս ընթացքում նաև զբաղվածության հարցը լուծվի՝ կենցաղային խնդիրները ինքնուրույն կարգավորելու համար:

Եվ ահա դեսպանն իր կոմունիկացիաներով հայթայթել է աշխատատեղեր՝ շինարարության և ճանապարհաշինակա նոլորտում, որպեսզի ժամանակավոր  գոնե իրենց հացի հարցը լուծեն:  

Սակայն դեսպան Տողանյանը դժգոհ է արձագանքներից, ասում է՝ միանգամից դիմումների տարափ սկսվեց՝ վարսավիրից մինչև խոհարար, դիզայներ ու չգիտեմ էլ ինչ, սակայն շինարարական ոլորտ չեն ցանկանում գնալ.  

«Այս պահին 1200  աշխատատեղ կա, որով հնարավոր է պահովել հատկապես ոչ թիրախային խմբին, սակայն մեր հայրենակիցները հրաժարվում են աշխատել, խուճապային տրամադրություների մեջ են, անորոշ է թվում իրենց ապագան,այստեղ   մնալու հեռանկարը և օր առաջ ձգտում են վերադառնալ իրենց ընտանիք, քանի որ վախենում են, չգիտեն ինչ է լինելու եթե Աստված մի արասցե, հանկարծ իրենք վարակվեն ու օտարության մեջ մնան միայնակ»,-ասում է դեսպանը: 

Սյուզի Բադոյան