26 03 2020

Ռուսաստանում մինչև մայիսի կեսերը 16 ինֆեկցիոն կենտրոն կկառուցվի

Ռուսաստանում մինչև մայիսի կեսերը 16 ինֆեկցիոն կենտրոն կկառուցվի

ՌԴ ՊՆ Սերգեյ Շոյգուն կառավարության նիստին հայտնել է, որ Ռուսաստանի պաշտպանության նախարարությունը կզբաղվի տասնվեց լրացուցիչ ինֆեկցիոն կենտրոնների կառուցմամբ։ Որոշումը կառավարությունն ընդունվել էր մարտի 22-ին: Այս մասին հայտնում է Life-ը:

«Շինարարությունը նախատեսվում է իրականացնել երկու փուլով. մինչեւ ապրիլի 30-ը նախատեսվում է շահագործման հանձնել ութ կենտրոն` Օդինցովոյում, Պոդոլսկում, Նիժնի Նովգորոդում, Վոլգոգրադում, Նովոսիբիրսկում, Օրենբուրգում, Ուլան-Ուդեում, Ուսուրիյսկում, իսկ մինչեւ մայիսի 15-ը կավարտվի մնացած ութ կենտրոնի կառուցումը»,- նշել է նա ՌԴ կառավարության նիստին:

Զինվորական ուժերին շինարարության մեջ ներառելու մասին որոշումը պայմանավորված է Ռուսաստանի Դաշնության վարչապետ Միխայիլ Միշուստինի պահանջով: ՌԴ կառավարության նիստին նա հանձնարարել էր ամենակարճ ժամանակահատվածում կառուցել ինֆեկցիոն կենտրոնները:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ