24 09 2019

Բակո Սահակյանն այցելել է պահեստազորայինների ընդունման հավաքակետեր

Արցախի Հանրապետության նախագահ, ԱՀ ԶՈւ գերագույն գլխավոր հրամանատար Բակո Սահակյանը, ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանի ուղեկցությամբ, սեպտեմբերի 24-ին այցելել է պահեստազորայինների ընդունման նախնական հավաքակետեր և պաշտպանության բանակի հրամանատարական կետ: Այս մասին հաղորդում է Արցախի ՊՆ մամուլի ծառայությունը:

Արցախի Հանրապետության նախագահը ծանոթացել է զորահավաքի ընթացքին և ողջույնի խոսքով դիմել համապետական նշանակության միջոցառմանը ընդգրկված պահեստազորայիններին:

Բանակի հրամանատարական կետում Բակո Սահակյանը լսել է ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանի զեկույցը զորավարժությունների ընթացքի և առաջիկա միջոցառումների մասին: Բանակի հրամանատարի զեկույցից հետո ԱՀ նախագահը հայտնել է իր նկատառումները ռազմաքաղաքական իրադրության վերաբերյալ, ինչպես նաև տվել մի շարք ցուցումներ և հանձնարարականներ:Համապետական նշանակության միջոցառմանը հետևում էին նաև ԱՀ պետնախարար Գրիգորի Մարտիրոսյանը, անվտանգության խորհրդի քարտուղար Արշավիր Ղարամյանը և պաշտոնատար այլ անձինք:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Արցախի նախագահ | Բակո Սահակյան | զորահավաք | ՊԲ | պահեստազորայիններ

Դիտել նաև

Քաղաքական 09 09 2024

«Տարիներ են անցել, չէ՞»․ Ալեն Սիմոնյանը չի հիշում վերջին երեք տարվա որոշ իրադարձություններ

Եթե էն մի թուղթը չեք ընդունում, լուծարումը ինչի՞ եք ընդունում։ Էդ որն ուզում եք ընդունում եք, որը չեք ուզում, չեք ընդունո՞ւմ․ ընդդիմադիր պատգամավորը՝ ՔՊ-ականին