Լարսում հայկական ուղևորափոխադրող ավտոբուսին թույլ չեն տալիս մտնել Հայաստան. Tert.am

Հայկական «Ավազառ բուս» ուղևորափոխադրող ընկերությանը պատկանող ավտոբուսին Վերին Լարս անցակետից վրացական կողմից թույլ չեն տալիս մտնել Հայաստան: Այս մասին Tert.am-ի հետ զրույցում ասացին ընկերությունից՝ չմանրամասնելով պատճառների մասին:

Վրաստանում Հայաստանի դեսպանության հանրային կապերի և տեղեկատվության բաժնի ղեկավար Հարություն Հայրապետյանը Tert.am-ի հետ զրույցում տեղեկացրեց, որ խնդրով դեսպանությունը զբաղվում է:

«Վարորդը ոչ թույլատրելի իր է փորձել անցկացնել, հիմա վարորդին են քննում: Ավտոբուսում մոտ 4 տասնյակ քաղաքացիներ են: Ամեն ինչ անում ենք հիմա, վրացական կողմի հետ բանակցում ենք, որպեսզի մեր քաղաքացիները կարողանան վերադառնալ»,- ասաց նա:

Հայրապետյանը տեղեկացրեց, որ ավտոբուսն անցակետում կանգնած է առավոտյան ժամը 6-ից:

Նա վստահեցրեց՝ այս միջադեպը Վրաստանում տեղի ունեցող իրադարձությունների հետ կապ չունի՝ վարորդի մոտ անթույլատրելի իր են գտել, փաստացի ապացույցը կա: