31 12 2018

Պայթյուն՝ ՌԴ բնակելի շենքում․ զոհեր կան․ տեսանյութ

Պայթյուն՝ ՌԴ բնակելի շենքում․ զոհեր կան․ տեսանյութ

Տեսախցիկները ֆիքսել են Ռուսաստանի Դաշնության Մագնիտոգորսկ քաղաքի բազմաբնակարան շենքերից մեկում գազի արտահոսքի հետևանքով տեղի ունեցած հզոր պայթյունի պահը: Այս մասին հայտնում է Life.ru-ն։

Պայթյունի հետևանքով փլուզվել է շքամուտքերից մեկը, վնասվել է 48 բնակարան, որոնցում ապրում էր 110 մարդ:

Պայթյունը որոտացել է լույս դեկտեմբերի 31-ի առավոտյան, երբ հարյուրից ավելի բնակիչները քնած են եղել:

Վերջին տվյալներով՝ զոհերի թիվը հասել է չորսի: Փլատակներում շարունակում է արգելափակված մնալ մոտ 70 մարդ:

Անվտանգության դաշնային ծառայությունից հայտնել են, որ որպես պայթյունի պատճառ դիտարկվում է միայն գազի արտահոսքը, մյուս վարկածները չեն քննարկվում:

ՌԴ նախագահ Վլադիմիր Պուտինը, տեղեկանալով միջադեպի մասին, կարգադրել է անհրաժեշտ օգնություն ցուցաբերել բոլոր տուժածներին ու զոհերի հարազատներին: Վնասված շենքի բնակիչներին ժամանակավոր ապաստարան կտրամադրվի:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ