Հարուստ երեխաներն առավել հաճախ են հաջողում, քան խելացիները

Նյու Յորքի համալսարանի հետազոտողները պարզել են՝ կրթություն ստանալիս օգնում է ոչ թե տաղանդը, այլ փողերը։ Հետազոտության արդյունքները հրապարակվել են Տնտեսական հետազոտությունների ազգային բյուրոյի կայքում, գրում է Gazeta.ru-ն։

Հետազոտողների կարծիքով՝ հարուստ ընտանիքներից ուսանողներն ավելի հաճախ են ավարտում ուսումը, քան աղքատ ընտանիքներից ուսանողները, անգամ եթե վերջիններս ավելի տաղանդավոր են։ 

Գիտնականներն ուսումնասիրել են ավելի քան մեկ միլիոն երիտասարդների գենետիկ տվյալները և պարզել, թե նրանցից քանիսն ունեն բարձր առաջադիմության հետ կապված գեներ։ Նաև պարզել են, թե ինչ հաջողություններ են նրանք ունեցել քոլեջում, և ինչ եկամուտներ է ունեցել նրանց ընտանիքը։

Հետազոտողները պարզել են, որ ընդունակ, բայց աղքատ ուսանողների միայն 24 տոկոսն է ավարտել քոլեջը, իսկ հարուստ ուսանողների՝ 63 տոկոսը։

Միաժամանակ ամենաքիչ տաղանդներն ունեցող ուսանողներից, ովքեր հարուստ ընտանիքներից են եղել, կրթություն է ստացել 27 տոկոսը՝ 3 տոկոսով ավելի, քան ցածր եկամուտներ ունեցող ընտանիքներից ոչ այնքան ընդունակ ուսանողները։

«Եթե դուք միջոցներ չունեք, անգամ ընդունակ երեխաները ստիպված են լինում բախվել լուրջ խնդիրների։ Նրանց պոտենցիալը կորչում է։ Դա վատ է թե՛ նրանց, թե՛ տնտեսության համար»,- ընդգծում են հետազոտության հեղինակները։