2018 թվականին զոհվել է 56 լրագրող

«Թղթակիցներ առանց սահմանների» միջազգային իրավապաշտպան կազմակերպությունը հորդորում է նշանակել լրագրողների պաշտպանության հարցերով ՄԱԿ գլխավոր քարտուղարի հատուկ ներկայացուցիչ։ Միջազգային կազմակերպությունը նշում է, որ այս տարվա ընթացքում արդեն իսկ աշխարհում սպանվել է 56 լրագրող։ Այս մասին հաղորդում է РИА Новости-ն։

Ըստ կազմակերպության տվյալների՝ 2018թ․ հոկտեմբերի 1-ի դրությամբ աշխարհում իր մասնագիտական գործունեության համար 56 լրագրող է սպանվել: Նախորդ տարի սպանվել էր լրատվամիջոցների 55 ներկայացուցիչ: Մահացած լրագրողների մեծամասնությունը կյանքից զրկվել է հակամարտության գոտիներում:

Առավել մեծ թվով լրագրողներ մահանում են Աֆղանստանում․ այդ տարի այնտեղ սպանվել է 13 լրագրող: Աֆղանստանին հաջորդում է Եմենը, որտեղ 5 լրագրող է զոհվել: 2-ական լրագրողներ սպանվել  են Պակիստանում, Պաղեստինում և Սիրիայում, որտեղ, ի դեպ, մասնագիտական գործունեության համար սպանված թղթակիցների թիվն այս տարի նվազել է: Իսկ սիրիական հակամարտության հետևանքով 9 լրագրող է սպանվել՝ համաձայն կազմակերպության տվյալների։