Նախագահ Արմեն Սարգսյանը մի շարք պարգևներ է հանձնել. Լուսանկարներ

Հայաստանի Հանրապետության անկախության 27-ամյակի կապակցությամբ ՀՀ նախագահի նստավայրում տեղի է ունեցել հանդիսավոր միջոցառում, որի ժամանակ նախագահ Արմեն Սարգսյանը պարգևատրել է մի խումբ զինծառայողների և ազատամարտիկների:

Հայաստանի Հանրապետության Անկախության տոնի առթիվ, ինչպես նաև ծառայության ընթացքում ցուցաբերած խիզախության և նվիրումի համար «Հայրենիքին մատուցած ծառայությունների համար» 2-րդ աստիճանի շքանշանով պարգևատրվել է  Հայաստանի Հանրապետության զինված ուժերի գլխավոր շտաբի պետի առաջին տեղակալ, գեներալ-մայոր Օնիկ Վիկտորի Գասպարյանը: Հայրենիքին մատուցած ծառայությունների համար» 1-ին աստիճանի մեդալով  պարգևատրվել են Զորքերի միացյալ խմբավորման հրամանատար, գեներալ-մայոր Տիգրան Ջանիբեկի Փարվանյանը և թիվ N զորամասի հրամանատարի առաջին տեղակալ, գնդապետ Ալբերտ Ռազմիկի Բաղդասարյանը:

«Հայրենիքին մատուցած ծառայությունների համար» 2-րդ աստիճանի մեդալով պարգևատրվել են թիվ N զորամասի հրամանատարի տեղակալ, գնդապետ Էդվարդ Էդիսոնի Ասրյանը, թիվ N զորամասի հրամանատարի տեղակալ, գնդապետ Գագիկ Կորյունի Զաքարյանը, թիվ N զորամասի գլխավոր տեսուչ, գնդապետ Ռուբեն Վլադիմիրի Աբրահամյանը, թիվ N զորամասի բաժնի պետ, գնդապետ Տիգրան Արամի Մաղաքյանը, թիվ N զորամասի հրամանատարի տեղակալ, փոխգնդապետ Վազգեն Ստյոպայի Հակոբյանը:

Պահեստազորի կրտսեր սերժանտ Հովհաննես Էդուարդի  Պողոսյանը պարգևատրվել է  Արիության մեդալով:

Մխիթար Հերացու մեդալով պարգևատրվել է թիվ N զորամասի հրամանատարի տեղակալ, բժշկական ծառայության մայոր Տիգրան Հայկի Պետրոսյանը:

Եղել են այլ պարգևատրումներ ևս։