13 07 2018

Ընտանիքում բռնության կանխարգելման խորհուրդ կստեղծվի

ՀՀ աշխատանքի և սոցիալական հարցերի նախարար Մանե Թանդիլյանը ֆեյսբուքյան իր էջում տեղեկացրել է, որ կառավարության կողմից հաստատվել է «Ընտանիքում բռնության կանխարգելման խորհուրդ ստեղծելու, խորհրդի ձևավորման կարգը և գործառույթները հաստատելու մասին» ՀՀ կառավարության որոշման նախագիծը: Նախարարի գրառումը ներկայացնում ենք ամբողջությամբ:

«Հարգելի ընկերներ,

Ցանկանում եմ իրազեկել, որ կառավարության կողմից հաստատվել է «Ընտանիքում բռնության կանխարգելման խորհուրդ ստեղծելու, խորհրդի ձևավորման կարգը և գործառույթները հաստատելու մասին» ՀՀ կառավարության որոշման նախագիծը։ Նախագծով կարգավորվում են ընտանիքում բռնության կանխարգելման խորհրդի ձևավորման և գործառույթների իրականացմանն ուղղված հարաբերությունները:

Առաջարկվում է Լիազոր մարմնին կից ստեղծել 25 անդամից բաղկացած խորհուրդ, որի կազմում հավասար թվով կընդգրկվեն հանրապետական գործադիր և իրավապահ մարմինների, հասարակական կազմակերպությունների և օրենքով սահմանված հատուկ կառույցների՝ աջակցության կենտրոնների և ապաստարանների ներկայացուցիչներ: Խորհուրդը կգործի հասարակական հիմունքներով, կազմում կընդգրկվի նաև Մարդու իրավունքների պաշտպանի աշխատակազմի մեկ ներկայացուցիչ:

Իր գործունեության շրջանակում Խորհուրդը ընտանիքում բռնության կանխարգելման բնագավառում պետական ռազմավարության, դրանից բխող ծրագրերի, օրենսդրական բարեփոխումների, ընտանիքում բռնության ենթարկված անձանց աջակցության, պաշտպանության, ընտանիքում համերաշխության վերականգնման մեխանիզմների, հանրության իրազեկման միջոցառումների և այլ հարցերի վերաբերյալ առաջարկություններ ներկայացնելու հնարավորություն կունենա:

Նախատեսվում է խորհրդի կազմում ձևավորել նաև ընտանիքում բռնության ենթարկված անձանց ֆինանսական աջակցության տրամադրման հարցերով զբաղվող բազմամասնագիտական խումբ, որը կքննարկի և խորհրդի նախագահին կներկայացնի ընտանիքում բռնության ենթարկված անձանց ֆինանսական աջակցության տրամադրման առաջարկներ:Խորհուրդը կարող է դառնալ արդյունավետ մեխանիզմ, որը կաջակցի ոլորտում իրականացվող պետական քաղաքականության մշակման և դրա իրականացման գործընթացների համակարգմանը, կապահովի պետական մարմինների և քաղաքացիական հասարակության միջև կապն ու համագործակցությունը»:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև

Մամուլի տեսություն 09 09 2023

Որտե՞ղ են Մանե Թանդիլյանի որդիները. «Փաստ»

Մանե Թանդիլյանի որդիները Հայաստանում չեն բնակվում. ըստ լրատվամիջոցների, Թանդիլյանը նրանց «հանել է երկրից» , որպեսզի «ազատի բանակից»

Քաղաքական 28 08 2023

Երևանցին պատժելու է ՔՊ-ին և ընտրելու է մեզ. Մանե Թանդիլյան

Նման ծավալի վարչական ռեսուրս ես երբևէ չեմ տեսել, որ օգտագործվի. «Ապրելու երկիր» կուսակցության քաղաքապետի թեկնածու

Հասարակություն 01 03 2023

Պետք է վեր հանել պատճառները, որոնք ծնել են ընտանեկան բռնություն․ Արմենուհի Կյուրեղյան

Պետք է մտածել պատճառների վերացման մասին և ոչ թե հետո մտածել հետևանքների չեզոքացման մասին, որի համար մեծ գումարներ են ծախսվելու

Մամուլի տեսություն 01 03 2023

Մանե Թանդիլյանը Երեւանի քաղաքապետ է ուզում դառնալ՝ չցանկանալով սեփական երեխաներին հայոց բանակ զորակոչել․ «Ժողովուրդ»

Թանդիլյանը չէր դադարում Արցախ գնալու կոչեր անել, սակայն ինչպես պարզել է նա նույնիսկ իր որդիներին է Հայաստանից դուրս տարել, էլ չենք խոսում իր ու ընտանիքի՝ Արցախ տեղափոխվելու մասին

Քաղաքական 16 06 2022

Մանեն ՔՊ-ական Բաբկենի հարևան Պողոսը չէ ու իր երեխաներին գետնից չի գտել․ «Պողոսների ապրելու երկիր»․ Politik.am

Թանդիլյանը քարոզում է, որ Հայաստանն «Ապրելու երկիր» է, բայց որդիներին այդ երկրից հեռու է պահում․ Politik.am

Մամուլի տեսություն 15 06 2022

Մանե Թանդիլյանը նախազորակոչային տարիքում գտնվող որդիներին հեռացրել է Հայաստանից. «Ժողովուրդ»

Նախկին «լուսավորականը» դեռ մի քանի տարի առաջ է հեռատես գտնվել ու զավակներին հանել երկրից