09 10 2024

ՔՊ-ականի՝ մահացու վրաերթ կատարած կինը քրեական հետապնդման չի ենթարկվել․ Mediahub.am

MediaHub-ը գրում է․ Համացանցում բուռն քննարկումների առարկա էր դարձել սեպտեմբերի 19-ին տեղի ունեցած դեպքը: Մամուլում գրվեց, որ ՔՊ-ական նախկին պատգամավոր, փաստաբան Նիկոլայ Բաղդասարյանը կինը՝ գինեկոլոգ Հռիփսիմե Գրիգորյանը, Ռուբինյանց փողոցում իր վարած «Տոյոտա» 08 RG 808 ավտոմեքենայով վրաերթի էր ենթարկել 78-ամյա Սիլվարդ Վարդանյանին, ով մարմնական վնասվածքներով տեղափոխվել էր «Սուրբ Գրիգոր Լուսավորիչ» ԲԿ: Ցավոք, կինը նույն օրը մահացել էր, իսկ դեպքի վերաբերյալ նախաձեռնվել է քրեական վարույթ։

MediaHub-ը կապ հաստատեց ՀՀ Քննչական կոմիտեի մամուլի քարտուղար Գոռ Աբրահամյանի հետ՝ ճշտելու, թե ի՞նչ զարգացումներ կան այս գործով։

«Քրեական վարույթ ունենք նախաձեռնված, նախաքննություն է կատարվում, անհրաժեշտ գործողություններ են կատարվել և շարունակվում են: Այս պահի դրությամբ քրեական հետապնդման ենթարկվող անձ չունենք»,- տեղեկացրեց նա։

Ի դեպ, համացանցում քննարկումների առանցքային միտքն այն է, որ ՔՊ-ական գործչի կնոջ մասնակցությամբ մահացու վրաերթի գործը կկոծկվի:

Նշենք, որ նախկին պատգամավոր Նիկոլ Բաղդասարյանի անունը ևս կապվում է աղմկահարույց մի գործի հետ: Հիշեցնենք, 2020 թվականի մայիսի 11-ին Բաղրամյան պողոտայում քաղաքացին արագ ընթացող հեծանիվով սլացել էր այն ժամանակ պատգամավոր Նիկոլայ Բաղդասարյանի կողքով։ Արթուր Ալեքսանյանը՝ այդ հեծանիվով ընթացող քաղաքացին, նույն թվականի մայիսի 12-ին դատախազի ցուցումով ձերբակալվել էր:

Իսկ ահա նույն Նիկոլայ Բաղդասարյանի կինը, որը տարեց կնոջ մահվան ենթադրյալ մեղավորն է (սա կպարզի քննությունը), փաստացի քրեական հետապնդման չի ենթարկվել (գոնե այս պահի դրությամբ) և աշխատանքի է գնում: MediaHub-ը ճշտեց, որ նրա մոտ գրանցումները հնարավոր են միայն նոյեմբեր ամսին, քանի որ ամբողջ հոկտեմբեր ամսվա համար հիվանդներ ընդունելու գրանցման հնարավորություն այլևս չկա:

Ավելին, մեզ ասացին, որ Հռիփսիմե Գրիգորյանը պատրաստվում է սեփական բժշկական կենտրոնը բացել, աշխատանքներն ակտիվ ընթացքի մեջ են:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

վրաերթ | ՔՊական

Դիտել նաև

Իրավական 16 11 2024

ՔՊ-ական համայնքապետը հրազենային վնասվածք է ստացել, 1 անձ սպանվել է․ Հրապարակ

Սպանության կասկածանքով որոնում են Փարաքարի ՔՊ-ական համայնքապետի ընկերոջը

Մամուլի տեսություն 14 11 2024

Հողամաս, բնակելի տուն, հիփոթեքով բնակարան. Տաթևիկ Գասպարյանի հայտարարագիրը․ «Ժողովուրդ»

ՔՊ-ական այս պատգամավորի համար էլ իշխանափոխությունը արգասաբեր էր

Հասարակություն 12 11 2024

ՔՊ-ական պատգամավորները կմեկնեն Ռուսաստան

ՔՊ-ականները նոյեմբերի 20-23-ը կմասնակցեն ԱՊՀ միջխորհրդարանական վեհաժողովի խորհրդի և լիագումար նիստերին

Մամուլի տեսություն 19 10 2024

ՔՊ-ական պատգամավորին կանչել են «հարցաքննության». «Հրապարակ»

ՔՊ վերահսկող մարմնում պինդ «պադդերժկա» են հայտնել Աղազարյանին՝ ասելով, որ նրա արարքը միանգամայն ընդունելի է

Հասարակություն 23 09 2024

ՔՊ-ականի կինը կնոջ է գցել մեքենայի տակ, ով մահացել է․ Բաղդասարյանի կինն ազատության մեջ է․ Hraparak.am

Մարդ է մահացել, դեպքից անցել է 4 օր, սակայն վրաերթի մասին Քննչական կոմիտեն որեւէ տեղեկություն չի հրապարակել․ Թերևս պատճառն այն է, որ «սպանողը» շարքային քաղաքացի չէ, այլ ՔՊ-ականի կին է

Իրավական 27 08 2024

Սևանում «Mercedes»-ը վրաերթի է ենթարկել անչափահաս քրոջ ու եղբոր. քույրը մահացել է

35-ամյա վարորդը փախուստի չի դիմել, տեղափոխվել է ոստիկանության Սևանի բաժին