Մետրոպոլիտենում գիծ է դուրս բերվել թվով 4-րդ շարժակազմը

Մետրոպոլիտենից հայտնում են, որ «Հանրապետության հրապարակ» կայարանում հիմնովին փոխարինվելու են երկու շարժասանդուղքները։
Աշխատանքները սկսված են։

«Այսօր գիծ է դուրս բերվել թվով 4-րդ՝ 3 վագոնից բաղկացած շարժակազմը, որն ավելի հարմարավետ կդարձնի մեր սիրելի ուղևորների երթևեկությունը», - նշված է հաղորդագրությունում։
 
Իսկ շաբաթվա քրոնիկոնն այսպիսին է. «Երևանի մետրոպոլիտենում աշխատանքներն ընթանում են բնականոն հունով:

Հաշվետու ժամանակահատվածում մետրոպոլիտենում ուղևորափոխադրումների թիվը կազմել է 444 հազար 892:

Գիծ է դուրս բերվել 2 836 շարժակազմ, որոնցից 514-ը՝ երեք վագոնանի, 1347-ը՝ երկու վագոնանի և 972-ը՝ մեկ վագոնանի։
Նախատեսված ուղևորափոխադրումը՝ 452 հազար 550։

Փաստացի տեղափոխվել է  444 հազար 892 ուղևոր։

Կատարողականը՝  98,3 % է։

Բոլորին մաղթում ենք անվտանգ ու անխափան երթևեկություն»: