Սևանը, ըստ Փաշինյանի, հավասար է Արցախի հարցին, իսկ Արցախը հանձնել է․ ի՞նչ է սպառնում Սևանին

2018թ․ հոկտեմբերի 24-ին Ազգային ժողովում Նիկոլ Փաշինյանին հարց ուղղեցին Ամուլսարի վերաբերյալ, պատասխանեց․ «Ամուլսարի խնդիրը․․․ Մենք ի՞նչ ենք ասում, ասում ենք մեզ պետք ա փաստ ու փաստարկ , որ Սևանի համար էդտեղ վտանգներ չկան  և, այո՛, Ամուլսարի շուրջ ստեղծված վիճակը որոշակի նեգատիվ ֆոն ա ստեղծում,  բայց ես ասում եմ՝ Սևանի հարցը Ղարաբաղի հարցի  նման հարց ա, չի կարելի ուղղակի փակ աչքերով գնալ  էդտեղ։ Ես ասում եմ՝ երբ կլինի հիմնավորում, որ  դա  անվտանգ ա Սևանի և Ջերմուկի ջրային համակարգի վրա, այո՛, էդ նախագիծը կաշխատի։ Եթե պարզվի,  որ վտանգ կա Սևանի համար և ջրային համակարգի վրա, ի հեճուկս որևէ բանի, ես որպես վարչապետ, թույլ չեմ տա աշխատի»։

Կառավարությունը հայտարարել է, որ Ամուլսարը, այնուամենայնիվ, դառնում է հանք, բայց չի հայտարարել՝ պարզվե՞ց՝ Սևանի ու Ջերմուկի ջրային համակարգի վրա ազդելո՞ւ է, թե՝ ոչ։

Ըստ երևույթին, քանի որ Սևանի հարցը Փաշինյանի համար Ղարաբաղի հարցին հավասար էր, իսկ Ղարաբաղի հարցում ստորագրել է կապիտուլյաիոն պայմանագիր, ուստի Սևանն էլ է նույն տրամաբանությամբ դիտարկում։