Առողջապահության ապահովագրական համակարգը,պետպատվերի բոլոր շահառուների համար, կգործի 2024թ․-ից

«Առողջության համապարփակ ապահովագրության համակարգը ներդրվել է փուլային եղանակով. 2024 թվականից պետական պատվերի բոլոր շահառուների համար համակարգը կսկսի գործել»,-այս մասին, հրավիրված մամուլի ասուլիսում,  ասաց առողջապահության նախարար Անահիտ Ավանեսյանը։
Նրա խոսքով 2025թ.-ին պետության կողմից կներառվեն թոշակառուները, ովքեր ևս կօգտվեն փաթեթի ողջ ծառայություններից։ 2027թ.-ին արդեն կլինի պարտադիր ապահովագրական ողջ ծածկույթ ՀՀ ողջ բնակչության համար։  Համընդհանուր պարտադիր բժշկական ապահովագրության համակարգի շրջանակում փաթեթի արժեքը բոլորի համար նույնն է լինելու, բայց պետության սուբսիդավորման չափը տարբեր կլինի։

«Փաթեթը ներառելու է սիրտ-անոթային համակարգի հիվանդությունների, ուռուցքների, դիաբետի և տարածված այլ հիվանդությունների բուժումը, այդ թվում թանկ արժեցող վիրաբուժական միջամտությունները։ Այստեղ ներառվելու են նաև սքրինինգային ծրագրերը, պրոֆիլակտիկ միջոցները, ամենամյա բուժզննումները, դեղամիջոցներով բուժումը»,-ասաց Անահիտ Ավանեսյանը։

Մանրամասն՝ տեսանյութում։