Սիրիայում երկրաշարժի հետևանքով զոհերի թվում հայեր կան

Սիրիայի առողջապահության նախարարը հայտարարել է, որ երկրաշարժի հետևանքով երկրում զոհվել է 50, վիրավորվել 200 մարդ։ Այս մասին հայտնում է «Գանձասար» շաբաթաթերթը։

«Սիրիայի առողջապահության նախարարը հայտարարել է, որ այսօր վաղ առավոտյան Իսքենդերունի և հարակից տարածքում տեղի ունեցած երկու հաջորդական երկրաշարժերը ցնցել են Սիրիայի բոլոր նահանգները։ Ամենաուժեղ ցնցումները եղել են Իդլիբում, Հալեպում և Լաթաքիայում։

Երկրաշարժի առաջին ցնցումը 7,7 բալ ուժգնությամբ էր՝ Իսքենդերունի հյուսիսային շրջանում,  երկրորդը՝ 6,4, Թուրքիա-Սիրիա սահմանին։ Հաջորդական երկու երկրաշարժերը տևել են ավելի քան 2 վայրկեան»,- գրում է շաբաթաթերթը։ 

Նախարարության տվյալներով՝ երեք նահանգներում մինչև այս ժամը արձանագրվել է 50 զոհ, 200 վիրավոր։

Ըստ «Գանձասար»-ի՝ ղոհերի մեջ հայեր էլ կան։

Նշվում է, որ շենքեր էլ են փլվել։ Փրկարար աշխատանքները շարունակում են։