12 12 2022

Ռուս խաղաղապահներին՝ առավել կոշտ միջոցներով կանխել ադրբեջանցիներին. հայտարարություն

Արցախի ԱԺ խմբակցությունները հանդես են եկել հայտարարությամբ՝ ադրբեջանցի՝ իբր բնապահպան-ակտիվիստների կողմից Հայաստանը Արցախին կապող մայրուղին փակելու կապակցությամբ:

Հայտարարությունում ասվում է. «Արցախի խաղաղ բնակչության նկատմամբ ֆոսֆորային ռումբեր օգտագործած ադրբեջանցիները բնապահպանական պատրվակով վերջին օրերին երկրորդ անգամ արգելափակեցին Ստեփանակերտ-Գորիս կյանքի ճանապարհը` նոյեմբերի 9(10)-ի եռակողմ համաձայնագրով միջանցքի կարգավիճակ ստացած մայրուղին:

Խստորեն դատապարտում ենք Ադրբեջանի ռազմաքաղաքական ղեկավարության կողմից կազմակերպված սադրիչ գործողությունները, որոնք միտված են տարածաշրջանում իրավիճակի ապակայունացմանը:

Դիմում ենք Արցախի Հանրապետության քաղաքացիներին` ցուցաբերել զսպվածություն, լինել զգոն, որպեսզի միասնական ջանքերով կանխենք ադրբեջանցիների ցանկացած սադրիչ գործողություն: Իր գոյապայքարի ընթացքում բազում դժվարություններ հաղթահարած մեր ժողովուրդը այս անգամ էլ կդիմակայի առկա և ապագա մարտահրավերներին:

Միջազգային հանրությանը կոչ ենք անում կոնկրետ քայլերով գործողություններ ձեռնարկել՝ զսպելու Ադրբեջանի ագրեսիվ նկրտումները:

Ռուս խաղաղապահներին հորդորում ենք եռակողմ համաձայնագրի շրջանակում առավել կոշտ միջոցներով կանխել ադրբեջանցիների նմանօրինակ հակամարդկային գործողությունները:

«ԱՐՑԱԽԻ ԺՈՂՈՎՐԴԱՎԱՐԱԿԱՆ ԿՈՒՍԱԿՑՈՒԹՅՈՒՆ»

խմբակցության ղեկավար՝ Դ. ՄԵԼՔՈՒՄՅԱՆ

«ՀԱՅ ՀԵՂԱՓՈԽԱԿԱՆ ԴԱՇՆԱԿՑՈՒԹՅՈՒՆ»

խմբակցության ղեկավար՝ Ա. ՄՈՍԻՅԱՆ

«ԱՐԴԱՐՈՒԹՅՈՒՆ»

խմբակցության ղեկավար՝ Դ. ԳԱԼՍՏՅԱՆ

«ՄԻԱՍՆԱԿԱՆ ՀԱՅՐԵՆԻՔ»

խմբակցության ղեկավար՝ Մ. ՊԵՏՐՈՍՅԱՆ

«ԱԶԱՏ ՀԱՅՐԵՆԻՔ - ՔՄԴ»

խմբակցության ղեկավար՝ Ա. ՀԱՐՈՒԹՅՈՒՆՅԱՆ

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

ռուս խաղաղապահներ | ադրբեջանցիներ

Դիտել նաև

Մամուլի տեսություն 16 11 2024

Ադրբեջանցիները Ռուսաստանում իսկական գլխացավանք են դարձել․ «Փաստ»

Վերջերս տեղեկություններ հրապարակվեցին, որ Ռուսաստանում իրար ջարդուփշուր էին արել ադրբեջանական երկու խմբավորում՝ ինչ-որ «առևտրային տարածք» միմյանց մեջ չկիսելու պատճառով

Հասարակություն 11 10 2024

Ադրբեջանցիները սպառնում են հաշվեհարդար տեսնել հայ գերու կնոջ ու երեխաների հետ

Ամեն օր ադրբեջանցիներից նամակներ եմ ստանում, զինվորական ադրբեջանցիներ, պարզապես ադրբեջանցիներ ինձ նամակներ են գրում, որ ես շուտով կորցնեմ որդուս, որ մարդ են ուղարկել՝ սպանելու ինձ ու իմ երեխաներին. գերու կին

Հասարակություն 24 09 2024

Սյունիքի մարզի «Շիկահող» պետական արգելոցում ադրբեջանցիներն արդեն հատել են մոտ 10,000 ծառ․ «Թաթոյան» հիմնադրամ

Վտանգված է Սյունիքի մարզի «Շիկահող» պետական արգելոցը. նախկին ՄԻՊ

Մամուլի տեսություն 04 09 2024

Ներքին Հանդի գերեզմանոցը ադրբեջանցիները գրավել են․ «Հրապարակ»

Ներքին Հանդում մարդիկ ոչ միայն չեն կարողանում այցելել իրենց հանգուցյալների գերեզմաններին, այլեւ մահացածներին հուղարկավորել

Մշակույթ 30 08 2024

2020-ից ի վեր ադրբեջանցիներն ավերել են հայկական պատմամշակութային 570-ից ավելի նմուշ

44-օրյա պատերազմի ժամանակ և դրանից առաջ Արցախում ու հարակից շրջաններում ոչնչացվել են հայկական պատմամշակութային ժառանգության 250 և ավելի կոթողներ, մեծ մասը` Հայրենական մեծ պատերազմի զոհերի հուշարձաններ

Հասարակություն 20 07 2024

Ադրբեջանցիները մշակում են Վազաշենի հարյուրավոր հեկտար հողերը

Վազաշենից ստացված տեղեկատվությամբ` գյուղի հողերից մի քանի հարյուր հեկտարը 1994 թվականի հրադադարի հաստատումից հետո հայտնվել է գյուղի պաշտպանական դիրքերից այն կողմ. լրագրող