Լեռնային Ղարաբաղից բռնագաղթածները ստացել են ռուսական օգնություն

Ռուսաստանի տան (Ռոսսոտրուդնիչեստվոյի ներկայացուցչություն) թիմը և Ռուսաստանի մարդասիրական առաքելությունը երեքշաբթի Հայաստանի ինը բնակավայրերում օգնություն են փոխանցել Լեռնային Ղարաբաղից բռնգաղթածներին: Այդ մասին «ՌԻԱ նովոստի»-ն ասել է Երևանի Ռուսական տան աշխատակից Ելենա Շուվաևա-Պետրոսյանը։

«Ռուսական տան և Ռուսաստանի մարդասիրական առաքելության թիմն այսօր այցելել է Գեղարքունիքի մարզի ինը բնակավայրերում ապաստան գտած Լեռնային Ղարաբաղից բռնագաղթածներին: Սևանում, Գագարինում, Գեղամավանում, Ծովագյուղում, Չկալովկայում, Գավառում և այլն բնակավայրերում բռնագաղթած 260 ընտանիք ստացել է 520 փաթեթ մարդասիրական օգնություն, որոնցում եղել են սննդամթերքի և հիգիենայի պարագաներ»,-ասել է գործակալության զրուցակիցը։

Ռուսական մարդասիրական առաքելությունը ուրբաթ օրը վեց տոննա մարդասիրական բեռ է առաքել Հայաստան՝ Ղարաբաղից տեղահանվածների համար։ Ինքնաթիռը մատակարարել է անձնական հիգիենայի պարագաներ, կենցաղային քիմիկատներ և երկար պահպանման ժամկետ ունեցող ապրանքներ, այդ թվում՝ հացահատիկեղեն, մանկական սնունդ՝ ընդհանուր 16 արկղ: