Մանդատներից հրաժարվելը օրենսդրությամբ, չի բերում ճգնաժամի, որով հնարավոր լինի նոր ընտրություններ կազմակերպել․ ՀՀ երկրորդ նախագահ

Ասուլիսի ժամանակ ՀՀ երկրորդ նախագահ Ռոբերտ Քոչարյանին  ուղղվեց հետևյալ հարցը․  «Ձեր հասցեին քննադատություններ  են հնչում ՝ խորհրդարանական ընտրություններին մասնակցելու և Նիկոլ Փաշինյանի իշխանությունը լեգիտիմացնելու մասին , անհրաժեշտություն չե՞ք տեսնում մանդատները վայր դնելու»։  Ի պատասխան հարցին, ՀՀ երկրորդ նախագահն ասաց․

« Հիշեցրեք՝  քաղաքական քանի՞  միավոր է մասնակցել այս ընտրություններին, քանի՞ քաղաքական ուժ կամ դաշինք է մասնակցել այս ընտրություններին․ 25 ուժ,և եթե մասնակցեին 24-ը,  այս ընտրությունները ոչ լեգիտի՞մ կճանաչվեին, իհարկե՝ ոչ։ 25 ուժ  չէին մասնակցի, 24-ը  կմասնակցեր և խորհրդարանում , մեծ հավանականությամբ, կհայտնվեին ուժեր, որոնք ոչ թե կլինեին ընդդիմադիր այս իշխանությանը, այլև կլինեին իշխանության  սատելիտները։ Մեզ հասցեագրված այդ մեղադրանքը ողջամիտ հիմք չունի,  սա մեղադրանք չեմ համարում, այլ ՝ «Հայաստան» դաշինքը  վարկաբեկելու փորձ։ Թեև գիտակցում ենք, որ եթե ընդդիմադիր մեծ ուժ ես, ապա թիրախավորվելու ես և՛ իշխանության, և՛ ընդդիմութան մի մասի կողմից․ հանգիստ եմ դրան վերաբերվում»,-ասաց նախագահը։

Անդրադառնալով մանդատներ վայր դնելու տարբերակին, Ռոբերտ Քոչարյանը նշեց․

« Ինչ վերաբերվում է մանդատներ հանձնելուն և չհանձնելուն ․ մանդատներից հրաժարվելը, օրենսդրությամբ, չի  բերում ճգնաժամի, որով հնարավոր լինի նոր ընտրություններ կազմակերպել։  Ընդհակառակը՝ խորհրդարանը շարունակելու է աշխատել ավելի փոքր կազմով ։ Կառանձնացնեմ  2 տարբերակ․ մեկը՝ օրինակ մենք մանդատները չենք վերցնում , ճգնաժամ է ձևավորվում  և գնում ենք նոր ընտրությունների, որտեղ այս իշխանությունը նույն ձայներն է հավաքում, հետո  ի՞նչ փոխվեց, բան չի  փոխվի։ Ուրեմն  պետք է այդպիսի ճգնաժամ ձևավորել հենց այն ժամանակ , երբ վստահ լինենք, որ ընտրության արդյունքները լինեն այլ։ Չեմ բացառում, որ ակտիվ զանգվածային  բողոքների ժամանակ այդպիսի հարց առաջանա, չեմ բացառում, չեմ բացառում նաև այդպիսի քայլի գնանք»,-ասաց նախագահըւ։

Մանրամասն՝ տեսանյութում։