08 12 2021

Այդպես կարող եք խոսել ձեր խմբակցության պատգամավորների հետ․ ընդդիմադիր պատգամավորը՝ վարչապետին



«ԱԺ գալուց առաջ հիշեք, որ գալիս եք այստեղ հաշվետվություն ներկայացնելու: Դուք իրավունք չունեք մեզ հետ խոսել այն տոնով, այն խոսույթով, որով գալիս, խոսում եք: Այդպես կարող եք խոսել ձեր խմբակցության պատգամավորների հետ»: Այս մասին վարչապետ Փաշինյանին ասաց «Հայաստան» խմբակցության պատգամավոր Հռիփսիմե Ստամբուլյանը։

Այդ ընթացքում դահլիճից ինչ-որ ձայներ լսվեցին, ինչին նա արձագանքեց. «Երբ ես խոսում եմ, լռեք: Ես իրավունք ունեմ խոսելու, եւ դուք իրավունք չունեք ընդհատելու: Երկրորդ, նոյեմբերի 9-ի տխրահռչակ հայտարարությունից հետո մենք ականատես ենք եղել բազմաթիվ փակ, գաղտնի պայմանավորվածությունների: Ըստ էության, էական էլ չի, դրանք բանավոր են, թե գրավոր: Դրանք կան եւ ունենալու են եւ իրավական, եւ բարոյական, եւ քաղաքական գնահատականներ դուք, աջ կողմում նստածներդ, եւ մարդիկ, որոնք սատարում են կառավարության ղեկավարին, բոլորդ պատասխան եք տալու»:

Մանրամասները՝ տեսանյութում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ