Պետրոսի սիրելիները նաև ստախոս են, կատաղի ու պաթոլոգիկ ստախոս․ Լիլիթ Գալստյան

«ԹԵ՜ ԾԵԾՈւՄ ԵՔ, ԹԵ՝ ԳՈՂԱՆՈւՄ

Արծվիկ Մինասյանի հետ զրույցի ընթացքում՝ նախկիններ և ներկաներ կեղծ և ձանձրալի դիսկուրսի շրջանակում, Պետրոս Ղազարյանը՝ իբրև մեղադրանք, ՀՀ քաղաքացու անունից ասում է․ «Հիմա ինձ իմ գյուղում չեն ծեծում, հիմա չեն գողանում»։

Պետրոսը երևի «մոռացել է», ախր մոռանալ էլ հնարավոր չէ՝ ընդամենը երկու օր առաջ, հանրային վայրում նախարար Արշակյանը Պետրոսի կոլեգաներից մեկին էր ծեծում։ Ե՞վ․․․և՝ ոչինչ, այսօր այդ բուկլետների նախարարը հպարտ քայլում էր ԱԺ-ում։

Պետրոսը հավանաբար «մոռացել է» Հայաստան հիմնադրամից մոտ 110 մլն դոլարի պետական մակարդակով գողությունը։ Բա հիմնադրամի կանոնադրական միջոցները բյուջե տանելը գողություն չէ, ի՞նչ է։

Պետրոսի սիրելիները նաև ստախոս են, կատաղի ու պաթոլոգիկ ստախոս։ Ընդամենը երեկ էր Կառավարության աշխատակազմի ղեկավարի տեղակալը Կիևի մայդանի նկարը Բաղրամյանի պողոտայի տակ մանիպուլացնում։ Ե՞վ․․․և՝ ոչինչ, բռնվեց, ներողություն ասեց ու վերջացավ։ Սա է սրանց բարոյականությունը․․․կենսագրություն չունեցողների բարոյականությունը․․․

Ի դեպ, նոյեմբերի իննին ԱԺ մուտք գործած և նախագահի աթոռին նստած երիտասարդին երկու օր հետո կամրջի տակ սպանված գտան։

Դուք որոշեք՝ ծեծե՞լ էին, թե՞ գողացել․․․

Պետրոսը նաև մոռացել է, որ Վայոց Ձորում մարզպետի թիմի կողմից ծեծված փոխգնդապետ Արա Մխիթարյանը դեռ կոմայի մեջ է․․․

Էս չե՞ք․․․»։