Ըստ էության չունեք իշխանություն, ո՞նց եք ընտրություն կազմակերպում. Մարուքյանի հարցը՝ վարչապետին

Այսօր կառավարություն-ԱԺ հարցուպատասխանի ժամանակ «Լուսավոր Հայաստան» խմբակցության ղեկավար Էդմոն Մարուքյանը հարց ուղղեց Նիկոլ Փաշինյանին:

«Ձեր հրաժարականն է պահանջել ԱԺ ընդդիմադիր երկու խմբակցությունները, ՀՀ առաջին, երկրորդ, երրորդ, չորրորդ նախագահները, Ամենայն Հայոց Կաթողիկոսը, Մեծի Տանն Կիլիկիոյ Կաթողիկոսը, ձեր հրաժարականն է  պահանջում ամենակարևոր մարզերի ամենակարևոր քաղաքների քաղաքապետերը, ավագանիները, ԵՊՀ գիտական մարմինը, տարբեր քաղաքական ուժեր ու գործիչներ, մտավորականներ... հիմա ոչ ոք այս մարդկանցից ժողովրդին չի՞ ներկայացնում: Եվ այսքանից հետո դուք փոխում եք մարզպետներին, էկոնոմիկայի նախարար եք փոխում, էդ փոփոխություններով չի լուծվելու էդ խնդիրները, որի համար այդ հրաժարականը պահանջվում է»:

Պատգամավորին ի պատասխան վարչապետն ասաց.

«Իսկ ինչո՞ւ դուք, այդ թվում խորհրդարանական ուժերը չեն պահանջում արտահերթ խորհրդարանական ընտրություններ: Իսկ ինչո՞ւ այդ քաղաքական ուժերը և էլիտայի ներկայացուցիչներն առաջարկում են սցենարներ, որոնք ունեն մեկ նպատակ՝ ժողովրդին դուրս թողնել պրոցեսից»:

Ամբողջականը՝ տեսանյութում: