Վրաստանը պատրաստ է ընդունել Փաշինյան-Ալիև հանդիպումը․ Զուրաբիշվիլի

Վրաստանի նախագահ Սալոմե Զուրաբիշվիլին մտադիր է հեռախոսազրույցներ ունենալ ՀՀ վարչապետի և Ադրբեջանի նախագահի հետ: Այս մասին հայտնում է РИА Новости-ն։

Վրաստանի նախագահը պատրաստակամություն է հայտնել հնարավորության դեպքում ընդունելու ԵԱՀԿ Մինսկի խմբի համանախագահների հովանու ներքո ղարաբաղյան հիմնախնդրի կարգավորման հարցով հանդիպում:

«Ժամանակն է զրույցներ ունենալ երկու երկրների ղեկավարների հետ, դրանք նախատեսված են անցկացնել այս շաբաթ: Անհրաժեշտ է, որ Վրաստանը հավատարիմ մնա հարևան երկու երկրների նկատմամբ չեզոքությանը: Մեր երկրների տնտեսություններն ու զարգացումը աշխարհում խաղաղությունից են կախված»,- հայտարարել է Վրաստանի նախագահը «Ռուսթավի 2» հեռուստաալիքին տված հարցազրույցում:

Զուրաբիշվիլու խոսքով՝ Վրաստանը հակամարտող կողմերին կրակը դադարեցնելու կոչ է արել, որպեսզի խուսափել հետագա զոհերից:

«Երկու կողմից էլ ԵԱՀԿ Մինսկի խմբի շրջանակում աշխատելու պատրաստակամության նախադրյալներ են նկատվում: Կարծում եմ՝ մենք պետք է նպաստենք հանդիպմանը անցկացմանը, թեկուզ՝ հենց Վրաստանում: Մենք ամեն բան կանենք և պատրաստ ենք այն ամենին, ինչն ընդունելի կլինի նրանց համար»,- հայտարարել է Զուրաբիշվիլին: