ԲՀԿ-ն բոյկոտեց և լքեց նիստերի դահլիճը

Հաշվի առնելով երեկ տեղի ունեցած իրավական և քաղաքական «բեսպրեդելը» ԲՀԿ խմբակցությունը բոյկոտում է ԱԺ նիստը և հենց հիմա լքում ենք նիստերի դահլիճը: Այս մասին այսօր՝ հունիսի 17-ին, ԱԺ-ում հայտարարեց ԲՀԿ խմբակցության քարտուղար Արման Աբովյանը:

Նա, մասնավորապես, նշեց. «Ես ցավում եմ, որ մեծամասնությունը, որն իշխանության եկավ ժողվրդավարական արժեքները վերականգնելու, Հայաստանում մարդու խոսքի և կարծիքի իրավունքը հարգելու կարգախոսներով, փորձում է լռեցնել քաղաքական ընդդիմախոսներին:

Սա ճանապարհ չէ, սա Հայաստանը դեպի վերջնական փակուղի տանող ճանապարհ է: Մեկ բան կարող եմ ասել խորհրդարանական մեծամասնությանը, որոնցից շատերին շատ լավ ճանաչում եմ: Վստահաբար դեմ եք եղել ձեզ պարտադրված  այս անօրինական քվեարկությանը, սակայն մեկ բան հիշեք՝ Հայաստանը բռնապետություն դառնալու ռեսուրս չունի:

Մենք պայքարելու ենք ՀՀ-ում իրական ժողովրդավարական արժեքների, յուրաքանչյուր քաղաքացու սոցիալական, տնտեսական և քաղաքական իրավունքների համար և այն երեկ ձեր բոլորի և գլխավոր դատախազի անմիջական մասնակցությամբ տեղի ունեցածն այս դահլիճում ոչ այլ ինչ է, քան քաղաքական հաշվեհարդար ձեր կարծիքի հետ անհամաձայնությունհայտնած քաղաքական ուժի և նրա ղեկավարի հանդեպ:

Ասեմ միայն, որ միջազգային ողջ հանրությունը, եվրոպական  կառույցները ուշի-ուշով հետևում են Հայաստանում ԲՀԿ-ի և Գագիկ Ծառուկյանի հանդեպ ընթացող այս ռեպրեսիվ գործընթացներին:

Հաշվի առնելով երեկ տեղի ունեցած իրավական և քաղաքական «բեսպրեդելը» ԲՀԿ խմբակցությունը բոյկոտում է ԱԺ նիստը և հենց հիմա լքում ենք նիստերի դահլիճը»: