Եթե դուք էլ վարչապետի ամբողջ ելույթը լսեիք, դուք էլ պետք է ծափ տայիք. իմքայլական պատգամավոր

Նիկոլ Փաշինյանի ամբողջ ելույթն ինձ համար ծափահարության արժանի էր: Այս մասին մայիսի 11-ին լրագրողների հետ ճեպազրույցում ասաց «Իմ քայլը» խմբակցության պատգամավոր Արթուր Դավթյանը՝ պատասխանելով լրագրողների հարցերին, թե արդյոք Նիկոլ Փաշինյանի ելույթը, որտեղ արդարացնում էր Սասուն Միքայելյանի արարքը, ատելություն և անհանդուրժողականություն չէր պարունակում:  

Հարցին, օրինակ՝ վարչապետի կողմից «ասֆալտին փռել» արտահայտությունն էլ է ծափահարելու արժանի, պատգամավորն ասաց. «Ես ձեր հարցին արդեն պատասխանեցի՝ ամբողջը, ի՞նչը պարզ չի լինում: Ամբողջ ելույթն ամբողջ ծավալով, որ դուք ուսումնասիրեք, նորից լսեք, կտեսնեք, որ դուք էլ պետք է ծափ տաք: Եթե այդ նույն տեքստը դուք ասեք, դուք էլ ծափահարության կարժանանաք»: