10 01 2020

«Լուսավոր Հայաստանը» հանդիպել է ԱԱԾ տնօրենի պաշտոնակատարի հետ

«Լուսավոր Հայաստանը» հանդիպել է ԱԱԾ տնօրենի պաշտոնակատարի հետ

Հայաստանի ԱԺ «Լուսավոր Հայաստան» խմբկցության պատգամավորները խորհրդարանում հանդիպել են Ազգային անվտանգության ծառայության տնօրենի պարտականությունների ժամանակավոր կատարող Էդուարդ Մարտիրոսյանի հետ:

Այս առնչությամբ խմբակցության ղեկավար Էդմոն Մարուքյանը լուսանկարներ է հրապարակել հանդիպումից և գրառում արել:

«Այսօր մեր նախաձեռնությամբ հանդիպեցինք Հայաստանի Հանրապետության Ազգային անվտանգության ծառայության տնօրենի պարտականությունների ժամանակավոր կատարող Էդուարդ Մարտիրոսյանի հետ։ Հանդիպման ընթացքում քննարկել ենք Հայաստանի ներքին և արտաքին մարտահրավերներին առնչվող մի շարք հարցեր։ Էդուարդ Մարտիրոսյանը պատասխանեց ԼՀ խմբակցության պատգամավորների հարցերին։

ԱԺ «Լուսավոր Հայաստան» խմբակցության նախաձեռնությամբ ՀՀ անվտանգության սեկտորի կառույցների ղեկավարների հետ հանդիպումները շարունակվելու են»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ