26  09  2019

Այս նախագիծը տապալողները խարանն իրենց վրայից չեն կարողանալու մաքրել․ կարծիք

Այս նախագիծը տապալողները խարանն իրենց վրայից չեն կարողանալու մաքրել․ կարծիք

Հասարակական-քաղաքական գործիչ Միհրան Հակոբյանը գրում է․

«Մարդն ու անասունը իրարից ջոկվում են հիշողությամբ

Մեկ տարի առաջ փորձեցինք Հայոց Եկեղեցին և Վեհափառին օրենքով պաշտպանել ծնկի բերելու մոլուցքով տառապողներից: Այդ ժամանակ էր արդեն պարզ, որ մոլագարության հասնող հակաքրիստոնեական տարրերի առաջ կանաչ լույս է վառվում՝ փորձելու համար ավիրել ազգային արժեհամակարգի կարևորագույն հենասյուներից մեկը: Փորձելու ավիրել այն, ինչը մեզ՝ որպես առանձին էթնոմշակութային միավոր, բերել հասցրել է 21-րդ դար:

Այս նախաձեռնությունից մեկ տարի անց պետք է պարզվեր, որ Հայ Առաքելական Եկեղեցին պետական պաշտպանության կարիք չունի, բայց պացիենտի զավակներն ունեն և երեկոյան զբոսնելուց նրանց հետ պետք է հարկատուից վճարվող պետական թիկնապահներ ուղեկցեն:

Ու թող ոչ մեկ չկասկածի՝ բարին ու ճշմարտությունը հաղթելու են, ազգայինը հաղթելու է, ինչպես Դ. Թրամփը կասեր՝ ապագան հայրենասերներինն է, ոչ թե գլոբալիստներինը: Իսկ այս օրենսդրական նախաձեռնությունը տապալողներն այդ խարանն իրենց վրայից չեն կարողանալու մաքրել, չի ստացվելու, որովհետև մարդիկ հիշողություն ունեն, Հ. Մաթևոսյանի ասած՝ մարդն ու անասունը իրարից ջոկվում են հիշողությամբ»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ