16  09  2019

Պուտինի խոսնակը՝ Ռոբերտ Քոչարյանի հետ հնարավոր հանդիպման մասին

Պուտինի խոսնակը՝ Ռոբերտ Քոչարյանի հետ հնարավոր հանդիպման մասին

Sputnik Armenia-ն գրում է․ «Վերջին շրջանում հայկական ԶԼՄ–ներում պարբերաբար արծարծվում է Վլադիմիր Պուտինի և Ռոբերտ Քոչարյանի հնարավոր հանդիպման թեման։ Sputnik Արմենիայի թղթակիցն այդ առնչությամբ հարցում է ուղարկել Ռուսաստանի նախագահի աշխատակազմ։

ՌԴ նախագահի մամուլի քարտուղար Դմիտրի Պեսկովը պատասխանել է Հայաստանի երկրորդ նախագահ Ռոբերտ Քոչարյանի և Ռուսաստանի նախագահ Վլադիմիր Պուտինի հնարավոր հանդիպման մասին հարցին։

«Առայժմ չգիտենք», - ասել է նա` ի պատասխան Sputnik Արմենիայի թղթակցի հարցմանը։

Zham.am-ը թեմայի առնչությամբ գրում է․ «Տևական ժամանակ է ինչ  երկու երկրների փորձագետների շրջանում քննարկվում էր այն հարցը, թե Պուտինը   հոկտեմբերի 2-ին կայցելի՞ Հայաստան, թե՝ ոչ: Եվ եթե այցելի, ապա նա կհանդիպի՞  ՀՀ  2-րդ նախագահի հետ: Եվ ահա երեկ այս հարցին պատասխանելիս Պուտինի մամլո-խոսնակ Պեսկովը անորոշ պատասխան տվեց: Ըստ նրա՝ «դեռ ոչինչ պարզ չէ», այսինքն պարզ չէ, թե Պուտինը  կհանդիպի Քոչարյանի հետ, թե ոչ:

Կրեմլի մեր աղբյուրների համաձայն՝  Հայաստանի ԱԳ նախարար Զոհրաբ Մնացականյանին  բաց տեքստով են  հասկացրել, որ եթե Պուտինը այցելի Հայաստան,  ապա նա ցանկանում է հանդիպել նաև Քոչարյանի հետ: Դրանով իսկ ակնարկելով, որ եթե այդպիսի հնարավորություն իրեն թույլ չտրվի, ապա կասկածի տակ կդրվի նույնիսկ  նրա  այցը Հայաստան:

Մյուս կողմից ռուսները հասկացրել են ՀՀ ներկայիս իշխանություններին, որ հոկտեմբերի սկզբին  Երևանը կարևոր հարթակի դեր է կատարելու նաև այլ երկրների համար: Մասնավորապես  նախատեսվում է հանդիպում   նաև    Իրանի նախագահի հետ: Ընդ որում այդ հանդիպումը բազմաֆունկցիոնալ բնույթ է  ունենալու: Եվ եթե հայկական կողմը իր էգոցենտրիկ շահերի պատճառով  խափանի Պուտինի այցը Հայաստան, ապա դրանից հայկական կողմը էապես կտուժի:

Թե ինչ են որոշել  ՀՀ իշխանություններն   այսօր դժվար է ասել: Հաշվի առնելով Փաշինյանի անկանխատեսելի բնավորությունը  այսօր ոչ ոք չի կարող հստակ կանխատեսել, թե ինչպիսին կլինի նրա դիրքորոշումը, Որի պատճառով էլ Պեսկովի գնահատականները Պուտին-Քոչարյան հնարավոր հանդիպման վերաբերյալ նույնպես անորոշ է:

Պարզ է մեկ բան, որ քաղաքական կոնի վրա շատ մեծ բան է դրված և դժվար է հավատալ, որ Փաշինյանը այս հարցում այդչափ անտեսի Հայաստանի ազգային պետական շահը: Քանզի դրանից  հետո գալու է պատասխանատվության ժամանակակը, դրանից բխող բոլոր հետևանքներով, քանզի  նույնիսկ հայ ժողովրդին հիմարացնելու դեդլայնը չի կարող երկար տևել:

Սա է իրականությունը»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ